ఇంకొక్కటి చేస్తే ఎవరికి దక్కని రికార్డు రాహుల్ సొంతం

తొలి బ్యాట్స్‌మన్‌గా..

ఇక బుధవారం హామిల్టన్ వేదికగా జరిగే మూడో టీ20లో మరో హాఫ్ సెంచరీ చేస్తే.. అంతర్జాతీయ టీ20ల్లో వరుసగా 4 హాఫ్ సెంచరీలు నమోదు చేసిన తొలి భారత క్రికెటర్‌గా గుర్తింపు పొందనున్నాడు. అంతర్జాతీయ టీ20ల్లో అత్యధిక పరుగులు చేసిన బ్యాట్స్‌మెన్‌లుగా టాప్-2లో కొనసాగుతున్న విరాట్ కోహ్లీ, రోహిత్ శర్మలకి సైతం ఈ హాఫ్ సెంచరీల రికార్డ్ సాధ్యం కాలేదు. ఇప్పటి వరకూ 79 టీ20 మ్యాచ్‌లాడిన విరాట్ కోహ్లీ 2,745 పరుగులతో అగ్ర స్థానంలో కొనసాగుతుండగా.. రోహిత్ శర్మ 106 మ్యాచ్‌ల్లో 2,648 పరుగులతో రెండో స్థానంలో ఉన్నాడు. కేఎల్ రాహుల్ 38 టీ20ల్లో ప్రస్తుతం 1,350 పరుగులు చేశాడు. ప్రస్తుతం కేఎల్ రాహుల్ మానియా నడుస్తోంది. బ్యాటింగ్, కీపింగ్‌లో రాణిస్తూ జట్టు విజయాల్లో కీలక పాత్రపోషిస్తున్నాడు.

డ్యూయల్ రోల్..

దీంతో పరిమిత ఓవర్ల ఫార్మాట్‌లో టీమ్ కాంబినేషన్‌కు సంబంధించి భారత జట్టులోని అన్ని సమస్యలకు కేఎల్ రాహుల్ రూపంలో పరిష్కారం లభించింది. ప్రస్తుత భారత జట్టులో కేఎల్ రాహుల్ డ్యూయల్ రోల్స్ పోషించడంతో మనీష్ పాండే రూపంలో అదనపు బ్యాట్స్‌మన్‌ను ఆడించేందుకు కోహ్లీకి ఓ మంచి అవకాశం లభించింది. ఓపెనర్‌గా, వికెట్ కీపర్‌గా కేఎల్ రాహుల్ ప్రదర్శన అటు కెప్టెన్ కోహ్లీతో పాటు ఇటు జట్టు యాజమాన్యాన్ని ఎంతగానో ఆకట్టుకుంది. ఫలితంగా గాయం నుంచి రిషబ్ పంత్ కోలుకున్నప్పటికీ న్యూజిలాండ్‌తో జరుగుతున్న తొలి టీ20లో అతడికి చోటు దక్కలేదు.

గంగూలీ సైతం..

ఆసీస్‌తో జరిగిన తొలి వన్డేలో పంత్ గాయ పడటంతో కాంకషన్ కింద కేఎల్ రాహుల్ వికెట్ కీపర్‌గా రాణించాడు.కేఎల్ రాహుల్ సైతం ప్రస్తుతానికి జట్టులో డ్యూయల్ రోల్‌ను తాను "ప్రేమిస్తున్నానని" రాహుల్ సైతం వన్డే సిరిస్ అనంతరం వెల్లడించాడు. ఎల్‌ రాహుల్‌ ప్రదర్శనపై బీసీసీఐ అధ్యక్షుడు సౌరవ్‌ గంగూలీ సైతం ప్రశంసలు కురిపించాడు. సుదీర్ఘ ఫార్మాట్‌లోనూ అతడు ఇదే ఫామ్‌ను కొనసాగించాలని కోరుకుంటున్నట్లు చెప్పాడు. ప్రస్తుతం జట్టు మేనేజ్‌మెంట్ ఇచ్చిన ప్రతి పాత్రను రాహుల్‌ సమర్థంగా పోషిస్తున్నాడని కొనియాడాడు.