పెర్త్‌లో రెండో టెస్టు: బుమ్రాకే తొలి వికెట్, మార్కస్ హాఫ్ సెంచరీ (వీడియో)

ఆరోన్ ఫించ్ హాఫ్ సెంచరీ

మరోవైపు మార్కస్ హాఫ్ సెంచరీ చేసిన కొద్ది సేపటికే మరో ఓపెనర్ ఆరోన్ ఫించ్ (50; 103 బంతుల్లో; 6 ఫోర్లు) కూడా హాఫ్ సెంచరీని సాధించాడు. టెస్టుల్లో ఆస్ట్రేలియా గడ్డపై ఆరోన్ ఫించ్‌కు ఇదే మొదటి హాఫ్ సెంచరీ కావడం విశేషం. అయితే, ఫించ్ హాఫ్ సెంచరీ ఆనందం ఎక్కువ సేపు నిలవలేదు.

బుమ్రాకే తొలి వికెట్

జస్ప్రీత్ బుమ్రా వేసిన ఇన్నింగ్స్ 36వ ఓవర్ రెండో బంతికి ఆరోన్ ఫించ్ (50) పరుగుల వద్ద ఎల్బీగా వెనుదిరిగాడు. దీంతో జట్టు స్కోరు 112 పరుగుల వద్ద ఆస్ట్రేలియా తొలి వికెట్ కోల్పోయింది. ప్రస్తుతం 36 ఓవర్లకు గాను ఆస్ట్రేలియా వికెట్ నష్టానికి 112 పరుగులు చేసింది.

భారత్ తరఫున నలుగురు పేస్ బౌలర్లు

క్రీజులో మార్కస్ హారిస్(55), ఉస్మాన్ ఖవాజా పరుగులేమీ చేయకుండా ఉన్నారు. అంతకముందు ఓపెనర్లు జోడీని విడదీయడానికి టీమిండియా బౌలర్లు విశ్వప్రయత్నాలు చేస్తున్నారు. భారత్ తరఫున నలుగురు పేస్ బౌలర్లు శ్రమించినా ఒక్క వికెట్ కూడా తీయలేకపోయారు.

రెండు మార్పులతో బరిలోకి భారత్

ఈ మ్యాచ్‌లో పర్యాటక టీమిండియా జట్టు రెండు మార్పులతో బరిలోకి దిగింది. గాయపడిన అశ్విన్, రోహిత్ స్థానాల్లో ఉమేష్ యాదవ్, హనుమ విహారి తుది జట్టులోకి వచ్చారు. పెర్త్ పిచ్ పేస్, బౌన్స్‌కు అనుకూలించేది కావడంతో స్పిన్నర్ లేకుండా మొత్తం నలుగురు పేస్ బౌలర్లతోనే భారత్ బరిలోకి దిగింది.