భారత్ vs ఆసీస్: కోట్లాలో గత రికార్డులు ఎలా ఉన్నాయో తెలుసా?

హైదరాబాద్: ఐదు వన్డేల సిరిస్ విజేత ఎవరో నిర్ణయించే నిర్ణయాత్మక ఆఖరి వన్డే‌కి సర్వం సిద్ధమైంది. ఈ సిరిస్‌లో చివరిదైన ఆఖరి వన్డేకి ఢిల్లీలోని ఫిరోజ్ షా కోట్లా స్టేడియం ఆతిథ్యమిస్తోంది. బుధవారం మధ్యాహ్నం 1.30 గంటల నుంచి మ్యాచ్ జరగనుంది. ఈ మ్యాచ్ కోసం ఇప్పటికే ఇరు జట్లు ఢిల్లీకి చేరుకున్నాయి.

టీమ్‌లో 11 మంది కోహ్లీలు లేరు కదా: ముత్తయ్య మురళీధరన్

ఈ సిరిస్‌లో ఇరు జట్లు చెరో రెండు మ్యాచ్‌లు గెలవడంతో ఐదు వన్డేల సిరీస్‌ 2-2తో సమం అయింది. దీంతో ఆఖరి మ్యాచ్ ఇరు జట్లకు ప్రతిష్టాత్మకంగా మారింది. కాగా, ఆఖరి వన్డేకి ఆతిథ్యమిస్తోన్న ఫిరోజ్ షా కోట్లాలో రికార్డుల పరంగా చూసుకుంటే ఆస్ట్రేలియాపై భారత్‌దే పైచేయిగా కనిపిస్తోంది.

1986 నుంచి కోట్లాలో ఈ రెండు జట్లూ ఐదు వన్డేల్లో తలపడగా భారత్ మూడింట్లో, ఆస్ట్రేలియా రెండింట్లో విజయం సాధించింది. చివరిగా అక్టోబరు 31, 2009లో ఇరు జట్లు తలపడగా.... ఆ మ్యాచ్‌లో భారత్ 10 బంతులు మిగిలి ఉండగానే 6 వికెట్ల తేడాతో విజయం సాధించింది.

Marcus Stoinis seeing them pretty well #INDvAUS pic.twitter.com/Q3AvsHOjni

— cricket.com.au (@cricketcomau) March 12, 2019

ఆ మ్యాచ్‌లో తొలుత బ్యాటింగ్ చేసిన ఆస్ట్రేలియా మైక్ హస్సీ (81), పాంటింగ్ (59) హాఫ్ సెంచరీలతో చెలరేగడంతో నిర్ణీత 50 ఓవర్లలో 5 వికెట్ల నష్టానికి 229 పరుగులు చేసింది. అనంతరం చేధననలో భారత జట్టులో యువరాజ్ సింగ్ (78), మహేంద్రసింగ్ ధోనీ (71 నాటౌట్) హాఫ్ సెంచరీలతో రాణించడంతో 48.2 ఓవర్లలోనే విజయం సాధించింది.