ప్రపంచకప్‌లో టీమిండియానే ఫేవరెట్‌: అజహరుద్దీన్‌

ఇదే మంచి అవకాశం:

తాజాగా అజహరుద్దీన్‌ మాట్లాడుతూ... 'టీమిండియాకు ఇదే మంచి అవకాశం. మనకు మంచి జట్టుంది. ప్రపంచలోనే అద్భుతమైన బౌలర్లు ఉన్నారు. ఇంగ్లాండ్ పిచ్‌లు బౌలర్లకు అనుకూలిస్తే మనకు ఇబ్బంది కలుగుతుందని చాలామంది అంటున్నారు. మన బౌలర్లకు కూడా ప్రత్యర్థిని ఆలౌట్‌ చేయగల సత్తా ఉంది. పేస్, స్పిన్ విభాగంలో అత్యుత్తమ బౌలర్లు ఉన్నారు' అని అజహరుద్దీన్‌ అన్నారు.

మిండియానే ఫేవరెటే:

'ప్రస్తుత జట్టు మంచి సమతూకంగా ఉంది. ఈ జట్టుతో ప్రపంచకప్‌ గెలవకపోతే నిరాశపడతాను. ప్రపంచకప్‌లో కచ్చితంగా టీమిండియానే ఫేవరెటే. తొలి ప్రాధాన్యం టీమిండియాకే ఇస్తాను. టీమిండియా తర్వాత రెండు, మూడు స్థానాలను ఇంగ్లాండ్‌, ఆస్ట్రేలియాకు ఇస్తా. ఎందుకంటే ఎప్పుడేం జరుగుతుందో ఎవరూ చెప్పలేం' అని అజహరుద్దీన్‌ పేర్కొన్నారు.

మన జట్టుకు అలాంటివి రాకూడదు:

'తమదైన రోజున మైదానంలో ఏ జట్టు బాగా ఆడుతుందో అదే విజయాన్ని అందుకుంటుంది. ప్రతి జట్టుకు కొన్ని ఓటములూ ఎదురవుతాయి. అయితే మన జట్టుకు అలాంటివి రాకూడదని మనస్ఫూర్తిగా కోరుకుంటున్నా. ముందుగానే టీమిండియాకు ఆల్ ది బెస్ట్ చెపుతున్నా. ప్రతి ఆటగాడు బాగా రాణించాలని ఆశిస్తున్నా' అని అజహరుద్దీన్‌ తెలిపారు.