స్టీవ్ స్మిత్‌దే టాప్: 34 పాయింట్ల వెనుకంజలో విరాట్ కోహ్లీ

110 సగటుతో 774 పరుగులు

స్టీవ్ స్మిత్ యాషెస్‌ సిరీస్‌ 2019లో మొత్తంగా సుమారు 110 సగటుతో 774 పరుగులు చేసాడు. ఒక ఆటగాడు కనీసం నాలుగు టెస్టు మ్యాచ్‌లు ఆడిన సిరీస్‌ పరంగా చూస్తే.. విండీస్‌ దిగ్గజ ఆటగాడు వివ్‌ రిచర్డ్స్‌ (829) తర్వాత స్థానాన్ని స్మిత్ ఆక్రమించాడు. ఇక గవాస్కర్‌తో కలిసి సంయుక్తంగా రెండో స్థానంలో నిలిచాడు.

1971 తన అరంగేట్ర టెస్టు సిరీస్‌లో

1971 తన అరంగేట్ర టెస్టు సిరీస్‌లో గవాస్కర్‌ 774 పరుగులు చేసాడు. 2014-15 సీజన్‌లో బోర్డర్-గవాస్కర్‌ల పేరిట నిర్వహించిన నాలుగు టెస్టు మ్యాచ్‌ల సిరీస్‌లో స్మిత్‌ 769 పరుగులు సాధించాడు. ఈ జాబితాలో రెండు, నాలుగు స్థానాల్లో స్మిత్‌ ఉండటం విశేషం. అంతేకాదు 21వ శతాబ్దంలో సింగిల్ టెస్టు సిరిస్‌లో అత్యధిక పరుగులు చేసిన ఆటగాడిగా అరుదైన ఘనత సాధించాడు.

వార్నర్ చెత్త ప్రదర్శన

ఈ పర్యటనలో చెత్త ప్రదర్శన చేసిన ఆస్ట్రేలియా ఓపెనర్ డేవిడ్ వార్నర్ 19 స్థానాలు దిగజారిపోయి 24వ స్థానంలో నిలిచాడు. ఈ సిరిస్‌లో మొత్తం 10 ఇన్నింగ్స్‌లు ఆడిన డేవిడ్ వార్నర్ 95 పరుగులే చేశాడు. ఈ సిరీస్‌లో ఆసీస్ బ్యాట్స్‌మన్ డేవిడ్ వార్నర్‌ను ఇంగ్లండ్ బౌలర్ బ్రాడ్ ఏడు సార్లు ఔట్ చేశాడు.

రెండు సార్లే డబుల్ డిజిట్

10 ఇన్నింగ్స్‌లో డేవిడ్ కేవలం రెండు సార్లే డబుల్ డిజిట్ సాధించాడు. యాషెస్ సిరీస్‌ను వార్నర్ కేవలం 9.5 సగటుతో ముగించాడు. వార్నర్‌ను ఏడు సార్లు ఔట్ చేసి బ్రాడ్ కొత్త టెస్ట్ రికార్డు సృష్టించాడు. ఒకే సిరీస్‌లో ఐదు సందర్భాల్లో మాత్రమే ఒక బౌలర్ ఏడు సార్లు ఔట్ చేసాడు. గత సిరీస్‌లో మొయిన్ అలీని నాథన్ లియాన్ ఔట్ చేసాడు.

29 వికెట్లు తీసిన కమ్మిన్స్

ఇక, పేసర్ కమ్మిన్స్ విషయానికి వస్తే ఐదు టెస్టుల యాషెస్ సిరిస్‌లో మొత్తం 29 వికెట్లు పడగొట్టాడు. ఆఖరి టెస్టు తొలి ఇన్నింగ్స్‌లో ఆరు వికెట్లు తీసిన ఇంగ్లాండ్ పేసర్ జోఫ్రా ఆర్చర్ టాప్-40లో చోటు దక్కించుకున్నాడు. మూడు వికెట్లు తీసిన శామ్ కుర్రన్ ఆరు స్థానాలు ఎగబాకి 65వ స్థానంలో నిలిచాడు.