#10YearChallenge: అగ్రస్థానంలో కోహ్లీ, పదేళ్ల తర్వాత ధోని ఇలా

ఐసీసీ '#10YearChallenge'లో

ఈ ట్వీట్స్ ఇప్పుడు నెటిజన్లను తెగ ఆకట్టుకుంటున్నాయి. ఐసీసీ '#10YearChallenge'లో పదేళ్ల క్రితం అంటే 2009లో ఐసీసీ టెస్టు ర్యాంకింగ్స్‌ టాప్‌లో ఉన్న ఆటగాళ్ల జాబితా.. 2019లో ఇప్పటివరకు టాప్‌ ర్యాంక్‌లో ఉన్న ఆటగాళ్ల జాబితాకు సంబంధించిన ఫోటోలను ఐసీసీ ట్వీట్ చేసింది.

2019లో అగ్రస్థానంలో కోహ్లీ

ఈ ట్వీట్ ప్రకారం.. 2009లో ఐసీసీ టెస్టు ర్యాంకింగ్స్‌ టాప్‌లో ఉన్న ఆటగాళ్లలో నెంబర్‌ వన్‌ బ్యాట్స్‌మన్‌గా వెస్టిండీస్‌‌కు చెందిన ఆటగాడు శివనారాయణ్‌ చందర్‌పాల్‌ ఉండగా, ప్రస్తుతం అంటే 2019లో టీమిండియా కెప్టెన్ విరాట్‌ కోహ్లీ అగ్రస్థానంలో కొనసాగుతున్నాడు.

బీసీసీఐ ఇలా

ఇక బౌలింగ్‌ జాబితాలో శ్రీలంక స్పిన్‌ దిగ్గజం ముత్తయ్య మురళీధరన్‌ అగ్రస్ధానంలో ఉండగా ప్రస్తుతం దక్షిణాఫ్రికా పేసర్‌ కగిసో రబడా అగ్రస్థానంలో కొనసాగుతున్నాడు. తాజాగా బీసీసీఐ సైతం ఈ ‘#10YearChallenge'లో భాగంగా టీమిండియా మాజీ కెప్టెన్ మహేంద్ర సింగ్ ధోనికి సంబంధించిన ఫోటోని తన ట్విట్టర్‌లో ట్వీట్ చేసింది.