అత్యుత్తమ బ్యాటింగ్ లైనప్:
ఈ ప్రపంచకప్లో మిగతా జట్లతో పోల్చితే ఇంగ్లండ్కు అత్యుత్తమ బ్యాటింగ్ లైనప్ ఉంది. ఇంగ్లండ్ ఆడిన నాలుగు మ్యాచ్ల్లో 300+ స్కోర్లు సాధించింది. ఓపెనర్ జేసన్ రాయ్ దూరమైనా.. మరో ఓపెనర్ బెయిర్స్టో ఫామ్ అందుకున్నాడు. జో రూట్, కెప్టెన్ మోర్గాన్లు సెంచరీలతో చెలరేగుతున్నారు. బట్లర్, స్టోక్స్, అలీ లాంటి భారీ హిట్టర్లు కూడా ఉన్నారు. వీరిని లంక బౌలర్లు ఏ మేరకు కట్టడి చేస్తారో చూడాలి. ఈ టోర్నీలో 12 సెంచరీలు నమోదు కాగా.. అందులో 5 శతకాలు ఇంగ్లండ్ బ్యాట్స్మెన్ కొట్టారు. ఈ మ్యాచ్లోనూ ఇంగ్లండ్ టాపార్డర్ చెలరేగితే లంక బౌలర్లకు చుక్కలు కనిపించడం ఖాయమే. ఇంగ్లండ్ బౌలర్లు కూడా ఫామ్లో ఉన్నారు. పేసర్లు ఆర్చర్, వుడ్లను తట్టుకుని క్రీజులో నిలవడం లంక బ్యాట్స్మన్కు సవాలే.
బ్యాటింగ్ వైఫల్యం:
బ్యాటింగ్ వైఫల్యం లంకను వేధిస్తోంది. న్యూజిలాండ్తో మ్యాచ్లో 136 రన్స్కే కుప్పకూలింది. అఫ్ఘానిస్థాన్పై 201, ఆస్ట్రేలియాపై 247 స్కోరు చేయగలిగింది. ఓపెనర్లు కరుణ రత్నె, కుశాల్ పెరీరా మినహా మిగతా వారు పరుగులు చేయడం లేదు. కుశాల్ మెండిస్, మాథ్యూస్, తిసారా పెరీరా పూర్తిగా విఫలమవుతున్నారు. కీలక మ్యాచ్ కాబట్టి అందరూ రాణించాల్సిన అవసరం ఉంది. బౌలింగ్లో లసిత్ మలింగ, నువాన్ ప్రదీప్, ఇసురు ఉదాన, ధనంజయ డిసిల్వా లపై లంక నమ్మకం పెట్టుకుంది. ఫామ్లో ఉన్న ఇంగ్లండ్ బ్యాట్స్మెన్ను ఆదుకోవడం కష్టమే.
ముఖాముఖి రికార్డు:
ఇరు జట్లు ఇప్పటివరకు 74 మ్యాచ్ల్లో తలపడగా.. లంక 35 మ్యాచ్ల్లో గెలిచింది. ఇంగ్లండ్ 36 మ్యాచ్ల్లో విజయం సాధించింది. ఒక మ్యాచ్ టై కాగా.. రెండింట్లో ఫలితం తేలలేదు. ప్రపంచకప్లో 10 మ్యాచ్లలో పోటీపడితే.. నాలుగింట్లో లంక, ఆరు మ్యాచ్ల్లో ఇంగ్లండ్ గెలిచాయి. లీడ్స్ వేదికగా మధ్యాహ్నం 3 గంటల నుంచి మ్యాచ్ జరగనుంది. ఈ మైదానంలో మొదటి ప్రపంచకప్ మ్యాచ్. ఈ రోజు వర్షం పడే అవకాశాలు తక్కువ. ఈ వేదికపై ఇంగ్లాండ్ చివరి ఆరు వన్డేలను గెలుచుకుంది. భారీ స్కోర్ నమోదయ్యే అవకాశం ఉంది.
Teams (Probable XI):
England: James Vince, Jonny Bairstow, Joe Root, Eoin Morgan, Ben Stokes, Jos Buttler, Chris Woakes, Mark Wood, Jofra Archer, Moeen Ali, Adil Rashid.
Sri Lanka: Dimuth Karunaratne, Kusal Perera, Avishka Fernando, Kusal Mendis, Angelo Mathews, Dhananjaya de Silva, Thisara Perera, Milinda Siriwardana, Isuru Udana, Lasith Malinga, Nuwan Pradeep.