బ్యాటింగ్, బౌలింగ్ వైఫల్యం:
న్యూజీలాండ్ మ్యాచ్లో కెప్టెన్ కరుణరత్నే మినహా ఎవ్వరూ పరుగులు చేయలేదు. ఎనిమిది మంది బ్యాట్స్మన్ సింగిల్ డిజిట్కే పరిమితమయ్యారు. ఈ నేపథ్యంలో మాథ్యూస్, పెరీరా, తిరిమన్నే, మెండిస్, డిసిల్వాలు రాణించాల్సిన అవసరం ఉంది. ఇక బౌలింగ్లో లంక ఆశలన్నీ సీనియర్ పేసర్ మలింగపైనే. కానీ అతను కూడా ధారాళంగా పరుగులు సమర్పించుకున్నాడు. దీంతో లంక పరిస్థితి ఘోరంగా మారింది. మలింగ రాణిస్తే ఆరంభంలో వికెట్లు తీసి అఫ్గానిస్తాన్ బ్యాట్స్మన్లపై ఒత్తిడి పెంచొచ్చు.
స్పిన్ విభాగం పటిష్టం:
మరోవైపు గుల్బదిన్ నైబ్ సారథ్యంలోని అఫ్గానిస్తాన్.. లంక కంటే కాస్త మెరుగ్గానే ఉంది. తొలి మ్యాచ్లో ఓపెనర్లు షహజాద్, హజ్రతుల్లా డకౌట్ కావడంతో అఫ్గానిస్తాన్ తడబడింది. ఈ మ్యాచ్లో వీరు ఫామ్ కొనసాగిస్తే భారీ స్కోర్ చేసే అవకాశం ఉంది. వీరికి తోడు గుల్బదిన్, రహ్మత్ షా, హజ్రతుల్లా షాహిదీ, నబీ రాణిస్తే తిరుగుండదు. స్పిన్ విభాగం రషీద్, ముజీబ్, నబీలతో పటిష్టంగా ఉండగా.. పేస్ మాత్రం బలహీనంగా ఉంది. ఇప్పటివరకు శ్రీలంక, అఫ్గానిస్తాన్ జట్లు మూడుసార్లు తలపడగా.. రెండు మ్యాచ్ల్లో శ్రీలంక, మరో మ్యాచ్లో అఫ్గానిస్తాన్ గెలిచింది.
జట్టు (అంచనా):
శ్రీలంక:
దిముత్ కరుణరత్నె(కెప్టెన్), లాహిరు తిరుమానె, కుశాల్ పెరీరా (వికెట్ కీపర్), కుశాల్ మెండీస్, మాథ్యూస్, ధనంజయ డిసిల్వా, తిసార పెరీరా, జీవన్ మెండీస్, సురంగ లక్మల్, ఇసురు ఉడాన, లసిత్ మలింగ.
ఆప్ఘనిస్తాన్:
గుల్బదిన్ నైబ్ (కెప్టెన్), హజ్రతుల్లా, షహజద్ (వికెట్ కీపర్), దౌలత్ జద్రాన్, రహ్మత్ షా, నజీబుల్లా జద్రాన్ హష్మతుల్లా షాహిది, హమీద్ హసన్, రషీద్ ఖాన్, ముజీబుర్ రహ్మాన్, మొహమ్మద్ నబీ.