బయటికి రావడానికే భయమేసింది: 'కాఫీ' వివాదంపై కేఎల్ రాహుల్

జనాలు నా పట్ల అయిష్టత చూపడం

"జనాలు నా పట్ల అయిష్టత చూపడం ఇంతకుముందెన్నడూ నాకు అనుభవం లేదు. ఆ సమయంలో నిస్సహాయ స్థితిలో పడిపోయా. నా ప్రవర్తన, వ్యక్తిత్వంపై నాకే అనుమానం కలిగేది. నా మీద మీడియాలో వచ్చిన వార్తల గురించి ఆలోచిస్తే.. నిజంగా నేను అంత చెడ్డవాడినా.. అనే సంశయం లోలోన తొలిచేసేది" అని అన్నాడు.

బయటికి రావడానికే భయమేసింది

"ఆ సమయంలో బయటికి రావడానికే భయమేసింది. వస్తే ఎవరో ఒకటి ఏదో అడుగుతారు. వాటికి జవాబివ్వగలనో లేదో నాకు తెలియదు. ప్రాక్టీస్‌కు వెళ్లడం, ఇంటికి రావడం.. అంతే తప్ప జనాల్ని ఎదుర్కోవడానికి నాకు ధైర్యం లేకపోయింది'' అని రాహుల్‌ అన్నాడు. టీమిండియాకు ఎంపికైనప్పటి నుంచి ఆకర్షణ మోజులో అసలు మూలాలు, శ్రేయోభిలాషులకు కొంత దూరమయ్యానని రాహుల్‌ అంగీకరించాడు.

అంతర్జాతీయ స్థాయిలో తరచుగా ఆడుతుంటే

"అంతర్జాతీయ స్థాయిలో తరచుగా ఆడుతుంటే మన నిజమైన స్నేహితులెవరు, మనకు కుటుంబం ఎంత ముఖ్యమైంది అని మరిచిపోవడానికి, అదుపు తప్పడానికి ఆస్కారముంది. నేను చాన్నాళ్లు విరామం లేకుండా భారత జట్టుతో పాటు తిరుగుతూనే ఉన్నా. దీంతో కుటుంబ సభ్యులు, స్నేహితులతో దూరం పెరిగింది. స్నేహితులకు దూరమైతే మనం సామాన్యులుగా ఉన్నపుడు ఎలాంటి కష్టాలు ఎదుర్కొన్నామో మరిచిపోతాం" అని అన్నాడు.

ఈ ఘటన తన కళ్లు తెరిపించింది

అయితే, ఈ ఘటన తన కళ్లు తెరిపించిందని రాహుల్ చెప్పాడు. అయితే, సస్పెన్షన్‌ పడటంతో ఆస్ట్రేలియా నుంచి స్వదేశానికి వచ్చాక అందరూ తనకు అండగా నిలిచారని, భారత జట్టు సభ్యులు కూడా ధైర్యం ఇచ్చారని రాహుల్‌ చెప్పాడు. తప్పులు ఎవరైనా చేస్తారని, అలాంటపుడు అందుకు తగ్గ శిక్షలు కూడా ఎదుర్కోక తప్పదని రాహుల్‌ చెప్పాడు.