Click it and Unblock the Notifications
విరాట్ అందరికంటే భిన్నంగా
విరాట్ దూకుడుతత్వంతో పెర్త్‌లో చేసుకున్న సంబరాలకు మద్ధతుగా నిలిచారు. ‘ప్రస్తుతం మన ఆటలో విభిన్న మనస్తత్వాలున్న క్రికెటర్లు కనిపించడం లేదు. అందరూ ఒకే తరహాలో ఉంటున్నారని వ్యాఖ్యానించాడు. ఆసీస్‌తో రెండో టెస్టులో విరాట్ అతి భావోద్వేగంతో చేసుకున్న సంబరాలు చూసి మైక్‌ హస్సీ, మిచెల్‌ జాన్సన్‌, సంజయ్‌ మంజ్రేకర్‌ అసంతృప్తి వ్యక్తం చేశారు.
చూడడానికి కాస్త అతిగా అనిపించినా
‘తన జట్టు కేవలం ఒక వికెట్ తీసినా దూకుడుగా సంబరాలు చేసుకునే వ్యక్తిని చూడలేదు. ఇది చూడడానికి కాస్త అతిగా అనిపించొచ్చు. కానీ అది మంచిదే. అతడి ప్రయత్నాల్లో మనం అంతులేని అభిరుచిని చూడొచ్చు. విదేశాల్లో సిరీస్‌ గెలవాలని విరాట్ కోరుకుంటున్నాడు. ప్రపంచ నంబర్‌ వన్‌ జట్టు ప్రదర్శనకు అవి కీలక సూచనలు. జట్టు అగ్రస్థానానికి చేరింది. ఇప్పుడు ఒక కెప్టెన్‌గా విదేశాల్లో కూడా జట్టుని గెలిపించడం చాలా కీలకం. విరాట్ దీనిని అనుభూతి చెందుతున్నాడు'
మిగతా ఆటగాళ్లంతా నిశ్శబ్దంగా
'టీమిండియాలో అతడిలా దూకుడుగా ఉండేవాళ్లు కనిపించడం అరుదు. భారత జట్టులో మిగతా ఆటగాళ్లంతా చాలా మంచి క్రికెటర్లు. కానీ నిశ్శబ్దంగా ఉంటారు. ఒక సారథిగా కోహ్లీ జట్టును ముందుండి నడిపించి అభిరుచి ప్రదర్శించాలి. అతడిలో అది సహజంగా ఉంది' అని బోర్డర్ అన్నాడు.
