తొలి టెస్టుకు వైజాగ్ ఆతిథ్యం:
సెప్టెంబర్ 15న దక్షిణాఫ్రికాతో మొదలయ్యే 'ఫ్రీడమ్ కప్' ట్రోఫీతో సీజన్ ప్రారంభమవుతుంది. ఈ టోర్నీలో భాగంగా దక్షిణాఫ్రికాతో మూడు టీ20లు, మూడు టెస్టులు జరుగుతాయి. సెప్టెంబర్ 15 నుంచి అక్టోబర్ 23 వరకు పర్యటన కొనసాగనుంది. అక్టోబర్ 2 నుంచి 6 వరకు జరిగే తొలి టెస్టుకు వైజాగ్ ఆతిథ్యం ఇవ్వనుంది.
హైదరాబాద్లో టీ20:
నవంబర్లో భారత్లో పర్యటించనున్న బంగ్లాదేశ్.. 3 టీ20లు, రెండు టెస్టులు ఆడుతుంది. నవంబర్ 3 నుంచి 26 వరకు ఈ పర్యటన ఉంటుంది. ఇక డిసెంబర్ 6 నుంచి 22 వరకు వెస్టిండీస్ పర్యటిస్తుంది. ఇందులో భాగంగా జరుగనున్న 3 టీ20ల్లో చివరి మ్యాచ్కు హైదరాబాద్.. 3 వన్డేల్లో రెండో మ్యాచ్కు వైజాగ్ వేదికలుగా ఉన్నాయి. డిసెంబర్ 6న ముంబైలో తొలి టీ20, 8న తిరువనంతపురంలో రెండో టీ20 జరుగుతాయి. డిసెంబర్ 15న చెన్నైలో తొలి వన్డే, 22న కటక్లో మూడో వన్డే జరగనుంది.
మార్చి 18న చివరి మ్యాచ్:
అనంతరం జింబాబ్వేతో 3 మ్యాచ్ల టీ20 సిరీస్ (జనవరి 5-10) జరగనుంది. ఆపై ఆస్ట్రేలియా (జనవరి 14-19)తో సిరీస్ ఉంటుంది. చివరగా దక్షిణాఫ్రికా (మార్చి 12-18)తో ఆడనుంది. ఈ రెండు జట్లతో భారత్ 3 మ్యాచ్ల వన్డే సిరీస్ ఆడనుంది. మార్చి 18న దక్షిణాఫ్రికాతో జరిగే చివరి మ్యాచ్తో భారత హోమ్ సీజన్ ముగుస్తుంది.