Click it and Unblock the Notifications
ఒకేరోజు రెండు రికార్డులు బద్దలు: టీ20ల్లో అత్యధిక స్కోరు నమోదు
హైదరాబాద్: 24 గంటల్లోనే మహిళల టీ20 క్రికెట్లో రెండు ప్రపంచ రికార్డులు బద్దలయ్యాయి. ఇంగ్లాండ్, దక్షిణాఫ్రికా, న్యూజిలాండ్ జట్ల మధ్య జరుగుతున్న ముక్కోణపు మహిళల టి20 క్రికెట్ టోర్నీలో ఈ రెండు రికార్డులు నమోదు కావడం విశేషం.
England Set New Record For The Highest ODI Total
ఈ టోర్నీలో భాగంగా బుధవారం ఉదయం దక్షిణాఫ్రికాతో జరిగిన తొలి టీ20 మ్యాచ్లో న్యూజిలాండ్ 20 ఓవర్లలో వికెట్ నష్టానికి 216 పరుగులు సాధించి ప్రపంచ రికార్డుని నెలకొల్పింది. గతంలో ఈ రికార్డు ఆస్ట్రేలియా (209/4; ఇంగ్లాండ్పై) పేరిట ఉంది.
న్యూజిలాండ్ కెప్టెన్ సుజీ బేట్స్ (66 బంతుల్లో 124 నాటౌట్; 16 ఫోర్లు, 3 సిక్స్లు) విధ్వంసకర ఇన్నింగ్స్ ఆడింది. ఇంగ్లండ్ మాజీ కెప్టెన్ చార్లొటె ఎడ్వర్డ్స్ను పక్కకు నెట్టి బేట్స్.. టీ20ల్లో అత్యధిక పరుగులు చేసిన బ్యాట్స్ ఉమన్ రికార్డును సొంతం చేసుకుంది.
తొలి వికెట్కు 182 పరుగులు
కాగా, కెప్టెన్కు మద్దతుగా సోఫియా డివైన్ ( 73; 4 ఫోర్లు, 4 సిక్స్లు)తో చెలరేగడంతో వీరిద్దరూ తొలి వికెట్కు 182 పరుగులు జోడించి రికార్డు సృష్టించారు. టీ20 క్రికెట్లో ఏ వికెట్కైనా ఇదే అత్యుత్తమ భాగస్వామ్యం కావడం విశేషం. అనంతరం భారీ లక్ష్యంతో బరిలోకి దిగిన దక్షిణాఫ్రికా నిర్ణీత 20 ఓవర్లలో 6 వికెట్లు కోల్పోయి 150 పరుగులకే పరిమితమైంది. దీంతో దక్షిణాఫ్రికా మహిళల జట్టుపై న్యూజిలాండ్ 66 పరుగుల తేడాతో భారీ విజయాన్ని అందుకుంది.
టీ20లో అత్యధిక స్కోరు 260 పరుగులు
కాగా, పురుషుల క్రికెట్లో టీ20లో అత్యధిక స్కోరు 260 పరుగులుగా ఉంది. ఈ రికార్డు భారత్-శ్రీలంక జట్ల మధ్య జరిగిన మ్యాచ్లో నమోదైంది. న్యూజిలాండ్ చేతిలో ఓటమి తర్వాత సాయంత్రం ఇంగ్లాండ్తో దక్షిణాఫ్రికా రెండో మ్యాచ్ ఆడింది. ఈ మ్యాచ్లో ఇంగ్లాండ్ మహిళల జట్టు నిర్ణీత 20 ఓవర్లలో 3 వికెట్లకు 250 పరుగులతో రికార్డు స్కోరు నమోదు చేశారు.
సెంచరీతో చెలరేగిన టామీ బ్యూమాంట్
ఓపెనర్ టామీ బ్యూమాంట్ (52 బంతుల్లో 116; 18 ఫోర్లు, 4 సిక్స్లు) మెరుపు ఇన్నింగ్స్తో సెంచరీ సాధించింది. తొలి వికెట్కు వ్యాట్ (56)తో కలిసి బ్యూమాంట్ 147 పరుగులు జోడించింది. అనంతరం క్రీజులోకి వచ్చిన స్కివర్ 33 పరుగులు చేయగా, బ్రంట్ 42 పరుగులతో నాటౌట్గా నిలిచింది. దక్షిణాఫ్రికా బౌలర్ లాకె (2/5) రెండు వికెట్లు పడగొట్టింది.
121 పరుగుల తేడాతో ఇంగ్లాండ్ విజయం
అనంతరం భారీ లక్ష్యంతో బరిలోకి దిగిన దక్షిణాఫ్రికా జట్టు నిర్ణీత 20 ఓవర్లలో 6 వికెట్లు కోల్పోయి 129 పరుగులు చేసింది. దీంతో ఇంగ్లాండ్ మహిళల జట్టు 121 పరుగుల తేడాతో భారీ విజయాన్ని నమోదు చేసింది. ఇంగ్లాండ్ బ్యాట్స్ ఉమెన్ టామీ బ్యూమాంట్కు మ్యాన్ ఆఫ్ ద మ్యాచ్ అవార్డు లభించింది.
Story first published: Thursday, June 21, 2018, 11:07 [IST]
Other articles published on Jun 21, 2018
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+