హైదరాబాద్: ఓవల్ వేదికగా దక్షిణాఫ్రికాతో జరుగుతున్న తొలి మ్యాచ్లో ఆతిథ్య జట్టుకు తొలి ఓవర్లోనే షాక్ తగిలింది. తొలి ఓవర్ రెండో బంతికే ఆ జట్టు ఓపెనర్ జానీ బెయిర్స్టో పరుగులేమీ చేయకుండా పెవిలియన్కు చేరాడు. ఈ మ్యాచ్లో టాస్ గెలిచిన సఫారీ కెప్టెన్ డుప్లెసిస్ ఇంగ్లాండ్ను బ్యాటింగ్కు ఆహ్వానించిన సంగతి తెలిసిందే.
ఐసీసీ క్రికెట్ వరల్డ్కప్-2019 ప్రత్యేక వార్తల కోసం
ఈ నేపథ్యంలో ఓపెనర్లుగా జేసన్ రాయ్, జానీ బెయిర్స్టోలు ఇంగ్లాండ్ ఇన్నింగ్స్ను ఆరంభించారు. దక్షిణాఫ్రికా కెప్టెన్ డుప్లెప్లిస్ అందరినీ ఆశ్చర్యపరుస్తూ తొలి ఓవర్ను సీనియర్ స్పిన్నర్ ఇమ్రాన్ తహీర్తో వేయించాడు. మొదటి బంతికి జేసన్ రాయ్ ఒక పరుగు సాధించాడు. ఆ తర్వాత రెండో బంతికి బెయిర్స్టో ఔట్ చేశాడు.
Second ball of #CWC19 and we have a wicket!
— Cricket World Cup (@cricketworldcup) May 30, 2019
What a call from #FafDuPlessis to open with @ImranTahirSA!
FOLLOW #ENGvSA LIVE ⬇️ https://t.co/nH52002J64 pic.twitter.com/8cCDq9jA2l
తాహిర్ వేసిన బంతి బెయిర్ స్టో బ్యాట్ను తాకి నేరుగా వికెట్ కీపర్ డీకాక్ చేతుల్లోకి వెళ్లింది. వరల్డ్కప్ టోర్నమెంట్లో ఓ ఓపెనర్ డకౌట్ కావడం ఇదే మొదటిసారి. గోల్డెన్ డకౌట్ అయిన తొలి ఇంగ్లాండ్ ప్లేయర్ కూడా బెయిర్స్టో కావడం విశేషం. ప్రస్తుతం ఇంగ్లండ్ 5 ఓవర్లలో వికెట్ నష్టానికి 29 పరుగులు చేసింది.
అంతకముందు టాస్ గెలిచిన దక్షిణాఫ్రికా కెప్టెన్ డుప్లెసిస్ ఫీల్డింగ్ ఎంచుకున్నాడు. తొలి మ్యాచ్లో విజయం సాధించి టోర్నీని ఘనంగా ఆరంభించాలని ఇరు జట్లూ పట్టుదలతో ఉన్నాయి. సొంత గడ్డపై జరుగుతున్న ఈ మెగా టోర్నీలో ఇంగ్లండ్ ఫేవరెట్గా బరిలోకి దిగుతుంది. ఈ మ్యాచ్లో టీమిండియా కెప్టెన్ కోహ్లీ రికార్డుకి దక్షిణాఫ్రికా ఆటగాడు హషీమ్ ఆమ్లా చేరువలో ఉన్నాడు.
{headtohead_cricket_2_6}
ఈ మ్యాచ్లో ఆమ్లా మరో 90 పరుగులు చేస్తే వన్డేల్లో అత్యంత వేగంగా 8వేల పరుగుల మైలురాయిని అందుకుంటాడు. విరాట్ కోహ్లీ వన్డేల్లో 8వేల పరుగుల మైలరాయిని 175 ఇన్నింగ్స్లో అందుకోగా ఆమ్లా 171 ఇన్నింగ్స్లో 7910 పరుగులు సాధించాడు.
The teams for today!
— Cricket World Cup (@cricketworldcup) May 30, 2019
🏴 #WeAreEngland
🇿🇦 #ProteaFire
FOLLOW #ENGvSA LIVE ⬇️ https://t.co/nH52002J64 pic.twitter.com/Keg5F3GHvl
జట్ల వివరాలు:
దక్షిణాఫ్రికా: హషీమ్ ఆమ్లా, క్వింటన్ డికాక్, అయిడెన్ మార్క్రం, ఫా డు ప్లెసిస్(కెప్టెన్), రస్సీ వాన్ దర్ డుస్సెన్, జేపి డుమిని, అండిలే ఫెలుక్వాయో, డ్వైన్ ప్రిటోరియస్, రబాడా, లుండి ఎన్గిడి, ఇమ్రాన్ తాహిర్
ఇంగ్లాండ్: ఇయాన్ మోర్గాన్(కెప్టెన్), జోరూట్, జేసన్ రాయ్, బెన్స్టోక్స్, జోస్ బట్లర్, మొయిన్ అలీ, క్రిస్వోక్స్, లియామ్ ప్లంకెట్, జోఫ్రా ఆర్చర్, అదిల్ రషీద్