ఏమి చేయాలో తెలుసుకోవడం
"ఏమి చేయాలో తెలుసుకోవడం, బ్యాట్స్ మెన్ ఏ వైపు బంతిని బాదుతాడో, ఇంకా కొన్ని చిన్న చిన్న విషయాలు తెలియడం ముఖ్యం. దీంతో పాటు విషయాలను సరళంగా ఉంచడం మరియు ప్రశాంతంగా ఉండటం చాలా ముఖ్యం. కొన్ని మ్యాచ్ల్లో స్పిన్నర్లు ధారాళంగా పరుగులు సమర్పించుకుంటారు. కానీ, ఇది ఆటలో భాగంగానే జరుగుతుంది" అని వాషింగ్టన్ సుందర్ తెలిపాడు.
మిడిల్ ఓవర్లలో బౌలింగ్
"నిజాయితీగా చెప్పాలంటే, మిడిల్ ఓవర్లలో బౌలింగ్ చేయగల మరియు ఆట యొక్క కోణాన్ని మార్చగల చాహల్ ఉండటం జట్టుకు అత్యంత ప్రయోజనకరం. అతను మిడిల్ ఓవర్లలో బౌలింగ్కు వస్తాడు. 2-3 వికెట్లు తీసుకొని ఆటను పూర్తిగా మార్చేస్తాడు. వేర్వేరు బ్యాట్స్మెన్ వేర్వేరు ప్రణాళికలతో అతడిని ఎదుర్కొంటారు. చాహల్ చాలా తెలివైనవాడు" అని సుందర్ చెప్పుకొచ్చాడు.
రాజ్కోట్ వికెట్ చాలా బాగుంది
"నిజం చెప్పాలంటే రాజ్కోట్ వికెట్ చాలా బాగుంది. బౌన్స్తో బంతి గమనం నిజంగా అద్భుతం. మేము గనుక తొలుత బ్యాటింగ్ చేసినట్లైతే 180 పరుగులు చేసేవాళ్లం. బంగ్లాదేశ్ను 153/6కు పరిమితం చేసేందుకు బౌలింగ్ విభాగం సమష్టిగా కష్టపడింది. మొదట్లో బంగ్లా ఆటగాళ్లు బాగా ఆడారు. బంతి బాగా బౌన్స్, పేస్ అవుతోంది" అని సుందర్ తెలిపాడు.
వేగం తగ్గించి బంతులు వేశాం
"ఆ తర్వాత వేగం తగ్గించి బంతులు వేశాం. ఈ సిరీస్లో మేం ఓ మ్యాచ్ ఓడాం. రెండోది గెలిచాం. ఇలాంటి పిచ్నే నాగ్పుర్లో కూడా ఆశిస్తున్నాం. రోహిత్ బ్యాటింగ్ చూసేందుకు నాకు హౌస్లో మంచి సీటు దొరికింది. అతను ఇలా ఆడితే అది స్టేడియంలో ఎవరికైనా ఒక ట్రీటే. రోహిత్ శర్మ బాదిన కొన్ని బౌండరీలు నమ్మశక్యంగా ఉన్నాయి" అని అన్నాడు.