అంఫైర్ తప్పిదం: ఏడో బంతికి బ్యాట్స్‌మన్ ఔట్‌ కావడంతో వివాదం

అదే బంతికి మైకేల్‌ క్లింగర్‌ ఔట్

అదే బంతికి మైకేల్‌ క్లింగర్‌ ఔట్ కావడం వివాదాస్పదమైంది. సిడ్నీ సిక్సర్‌ బౌలర్ డ్వార్‌షూయిస్‌ వేసిన ఓవర్‌ తొలి రెండు బంతుల్ని మరో ఓపెనర్‌ బెన్‌క్రాఫ్ట్ ఆడి ఒక లెగ్‌ బై ద్వారా పరుగు తీశాడు. ఆపై మూడో బంతిని క్లింగర్‌ ఆడి బై ద్వారా రెండు పరుగులు సాధించాడు. ఇక, నాలుగో బంతికి క్లింగర్ ఒక పరుగు తీశాడు.

7 వికెట్ల తేడాతో విజయం

ఐదో బంతికి బెన్‌ క్రాఫ్‌ ఆడి రెండు పరుగులు తీయగా, ఆరు బంతికి పరుగు తీశాడు. దాంతో ఓవర్‌ పూర్తయ్యింది. అయితే మరొక బంతిని అంపైర్‌ వేయించడంతో క్లింగర్‌ ఔటయ్యాడు. ఫీల్డ్‌ అంపైర్‌ చేసిన తప్పిదాన్ని మ్యాచ్‌ అధికారులు సైతం గుర్తించకపోవడంతో క్లింగర్‌ 2 పరుగులకే పెవిలియన్‌ చేరాడు. దీంతో ఈ మ్యాచ్‌లో పెర్త్‌ స్కార్చర్స్‌ 7 వికెట్ల తేడాతో నెగ్గింది.

87 పరుగులు చేసిన బాన్‌క్రాఫ్ట్‌

కామెరూన్‌ బాన్‌క్రాఫ్ట్‌ 61 బంతుల్లో 8 ఫోర్లు, 1 సిక్సర్‌ సాయంతో అజేయంగా 87 పరుగులు సాధించడంతో పెర్త్‌ స్కార్చర్స్‌ 18.5 ఓవర్లలో మూడు వికెట్లు కోల్పోయి విజయం సాధించింది. గతేడాది సఫారీ గడ్డపై బాల్ టాంపరింగ్‌కు పాల్పడిన కామెరూన్ బాన్‌క్రాప్ట్‌కు క్రికెట్ ఆస్ట్రేలియా తొమ్మిది నెలలు నిషేధం విధించిన సంగతి తెలిసిందే.