|
స్వల్ప గాయాలు:
మిక్కీ ఎడ్వర్డ్స్ వేసిన ఓ బంతిని క్వీన్లాండ్స్ బ్యాట్స్మన్ సామ్యూల్ హీజ్లెట్ స్టైట్ డ్రైవ్ కొట్టాడు. ఒక్కసారిగా బంతి తన తలపైకి దూసుకురావడంతో.. తప్పించుకునేందుకు బౌలర్ చెయ్యి అడ్డు పెట్టాడు. అయితే బంతి బలంగా వీపును తాకడంతో ఎడ్వర్డ్స్ కిందపడ్డాడు. ఈ క్రమంలో ఎడ్వర్డ్స్ చేతికి గాయం అయింది. దీంతో అతడు స్వల్ప గాయాలతో బయటపడ్డాడు. ఒకవేళ బంతి తలకు తగిలి ఉంటే.. పెద్ద ఘోరమే జరిగేది.
భయాందోళలో లబూషేన్:
మిక్కీ ఎడ్వర్డ్స్ ఆ బంతిని తప్పించుకునే క్రమంలో నాన్ స్టైకర్ ఎండ్లో ఉన్న ఆసీస్ ఆటగాడు లబూషేన్ భయాందోళనకు గురయ్యాడు. ఎందుకంటే.. యాషెష్ సిరీస్లో ఇంగ్లీష్ బౌలర్ జోఫ్రా ఆర్చర్ వేసిన బంతి అతన్ని బెంబేలెత్తించింది. గతంలో ఆసీస్ ఆటగాడు ఫిల్ హ్యూజ్ తలకు బంతి తగిలి మృతి చెందగా.. ఇటీవల ఆసీస్ మాజీ కెప్టెన్ స్టీవ్ స్మిత్ తీవ్రంగా గాయపడ్డాడు. ఆర్చర్ వేసిన బంతి మెడ వెనుక భాగంలో బలంగా తగలడంతో.. స్మిత్ ఫీల్డ్లో కుప్పకూలిపోయాడు. ఆ తర్వాత అతను తేరుకోవడంతో అందరూ ఊపిరిపీల్చుకున్నారు.
దేవుడిని ధన్యవాదాలు:
ఈ ప్రమాదకర ఘటనకు సంబందించిన వీడియోను 'ఆస్ట్రేలియా క్రికెట్' తన అధికారిక ట్విటర్ ఖాతాలో పోస్ట్ చేసింది. 'అదృష్టవశాత్తూ మిక్కీ ఎడ్వర్డ్స్ పెను ప్రమాదం నుంచి తప్పించుకున్నాడు. దేవుడిని ధన్యవాదాలు' అని ట్వీట్ చేసింది. ఈ వీడియో ప్రస్తుతం సోషల్ మీడియాలో వైరల్ అయింది. పోస్ట్ చేసిన కొద్ది నిమిషాల్లోనే ఎంతోమంది ఈ వీడియోను చూసి.. ఎడ్వర్డ్స్ లక్కీ అని కామెంట్స్ చేస్తున్నారు. ఎడ్వర్డ్స్ తృటిలో ఒక భయానక క్షణం నుంచి బయటపడ్డందుకు ఆ దేవునికి ధన్యవాదాలు చెప్పాలని క్రికెట్ అభిమానులు అంటున్నారు.