Click it and Unblock the Notifications
పాకిస్థాన్ జట్టుకు కెప్టెన్సీ చేయడం పెద్ద సవాల్‌
అంతేకాదు కెప్టెన్సీ బాధ్యతల వల్ల ఒత్తిడికి గురికావడంతో పాటు తాను బ్యాటింగ్‌ కూడా సరిగా చేయలేకపోయానని వెల్లడించాడు. సర్ఫరాజ్ ఖాన్ మాట్లాడుతూ "పాకిస్థాన్ జట్టుకు కెప్టెన్సీ చేయడం పెద్ద సవాల్‌. కెప్టెన్‌గా ఎవరున్నా తీవ్ర ఒత్తిడిలో ఉంటారు. మనం సరిగా ఆడకపోయినా.. జట్టు ఓడిపోయినా ఆ ఒత్తిడి మరింత ఎక్కువవుతుంది" అని అన్నాడు.
ఆరు రోజులుగా నేను నిద్రపోలేదంటే ఎవరూ నమ్మకపోవచ్చు
"నిజం చెప్పాలంటే ఆరు రోజులుగా నేను నిద్రపోలేదంటే ఎవరూ నమ్మకపోవచ్చు. కానీ, ఇది కూడా జీవితంలో ఒక భాగం. ఆడడం ఒక్కటే నా పని. జట్టు ఎంపిక ఇవన్నీ నా చేతుల్లో లేవు" అని సర్ఫ్‌రాజ్‌ అన్నాడు. ఆసియా కప్‌లో ఓటమి కారణంగా జట్టులో మార్పుల విషయంలో ఎలాంటి కొత్త నిర్ణయాలు తీసుకోవద్దని తమ బోర్డుని కోరాడు.
ఒక కెప్టెన్‌గా నా ప్రదర్శన బాగుండాలి
"నా ఆటతీరు బాగా లేదు. అందుకే జట్టు ఓడిపోయింది. ఒక కెప్టెన్‌గా నా ప్రదర్శన బాగుండాలి. కానీ, నన్ను నేను నిరూపించుకోలేకపోయాను. అయితే, నేను విశ్రాంతి తీసుకోవాల్సి ఉందా? అనే విషయాన్ని సెలెక్టర్లు నిర్ణయిస్తారు. మైదానంలో ఆడుతూ ఉండడమే నా కర్తవ్యం. మా జట్టులోని లోపాలను సరిచేసుకుంటూ టోర్నీలు ఆడాల్సి ఉంది" అని అన్నాడు.
ఆత్మ విశ్వాసం కోల్పోయామా?
"ఆసియా కప్‌లో సరిగ్గా ఆడకపోవడం వల్ల ఆత్మ విశ్వాసం కోల్పోయామా? అనే సందేహం మాలో వస్తోంది. కానీ, గత ఛాంపియన్స్‌ ట్రోఫీలో మేము మొదటి మ్యాచులో భారత్ చేతిలో ఘోరంగా ఓడిపోయాం. అయినప్పటికీ, ఫైనల్‌కు వెళ్లి ట్రోఫీ గెలుచుకున్నాం" అని సర్ఫ్‌రాజ్‌ అహ్మద్‌ అన్నాడు. కాగా, శుక్రవారం జరిగే ఆసియా కప్ ఫైనల్లో భారత్-బంగ్లాదేశ్ జట్లు తలపడనున్నాయి.
