నా ఆటను మాత్రం అవమానించకండి: ట్రోల్స్‌పై దిండా ఫేస్‌బుక్‌లో ఆవేదన

ఫేస్‌బుక్‌లో పోస్టు పెట్టిన దిండా

తనపై వచ్చిన ట్వీట్‌, ట్రోల్స్‌తో విసిగిపోయిన దిండా ఫేస్‌బుక్‌లో పోస్టు పెట్టాడు. "హేటర్స్‌.. నా ఈ లెక్కలు చూడండి. నాపై అనవసరంగా నోరుపారేసుకోవడం ఆపండి. మీ నోటి నుంచి నా పేరు రానివ్వకండి" అంటూ కామెంట్ పెట్టడంతో పాటు తాను నమోదు చేసిన గణంకాలతో కూడిన ఇమేజిని జోడించాడు.

నేను అంత గొప్ప బౌలర్‌ కాదని తెలుసు

దీంతో పాటు దిండా తన ఆవేదనను సైతం వెళ్లగక్కాడు. "ఈ ప్రపంచంలో నేను అంత గొప్ప బౌలర్‌ కాదని తెలుసు. కానీ, ఈ ప్రపంచానికి తెలియని విషయం ఏంటంటే నేను క్రికెటర్‌ అయ్యేందుకు ఎంత కష్టపడ్డానో. నా క్రికెట్ కెరీర్‌కి నా కుటుంబం మద్దతు తెలపలేదు. రంజీ ట్రోఫీలో బెంగాల్‌కు ఆడుతున్నానంటే అది నా 9 ఏళ్ల కృషి" అని పేర్కొన్నాడు.

ఎన్నో రోజులు క్రికెట్‌ మైదానాల్లో పడుకున్నా

"ఎన్నో రోజులు క్రికెట్‌ మైదానాల్లో పడుకున్నాను. కొన్ని రోజులు తినడానికి ఆహారం ఉండేది కాదు. నాకు మద్దతివ్వడం మీకు ఇష్టం లేకుంటే వదిలేయండి. కానీ నా ఆటను మాత్రం అవమానించకండి. ఎందుకంటే క్రికెట్‌ ఆడటానికి రేయింబవళ్లు ఎంత కష్టపడ్డానో నాకు తెలుసు" అని తన దిండా ఆవేదన చెందాడు.

13 అంతర్జాతీయ వన్డే మ్యాచ్‌లాడి 12 వికెట్లు తీసిన దిండా

కాగా, భారత జట్టు తరఫున 13 అంతర్జాతీయ వన్డే మ్యాచ్‌లాడిన దిండా 12 వికెట్లు పడగొట్టాడు. 9 టీ20ల్లో 17 వికెట్లు పడగొట్టాడు. గత 9 సీజన్లుగా బెంగాల్‌ రంజీ జట్టు తరఫున ఆడుతోన్న అశోక్ దిండా ఫస్ట్‌ క్లాస్‌ క్రికెట్‌లో మొత్తం 400 వికెట్లు పడగొట్టాడు. ఇక ఆర్సీబీ సైతం దిండా విషయంలో చేసిన ట్విట్‌పై వివరణ ఇచ్చింది. "మీరు చెప్పినట్లు మేం చేసిన ఆ ట్వీట్‌ బాలేదు. మీరందరూ ఉమేశ్‌పై ట్రోలింగ్‌కు దిగారు. అతను వాటిని సవాల్‌గా స్వీకరించి (3/36) అదరగొట్టాడు. చివరి ఓవర్లో కేవలం 15 పరుగులు మాత్రమే ఇచ్చి 2 వికెట్లు పడగొట్టాడు" అని మరో ట్వీట్‌‌లో పేర్కొంది.