Click it and Unblock the Notifications
|
డేవిడ్ వార్నర్ డకౌట్
ఈ యాషెస్ సిరిస్‌లో వరుసగా విఫలమవుతున్న ఓపెనర్ డేవిడ్ వార్నర్ తొలి ఓవర్‌లోనే బ్రాడ్ బౌలింగ్‌లో కీపర్‌కు క్యాచ్‌ ఇచ్చి డకౌట్‌గా వెనుదిరిగాడు. దీంతో ఈ సిరిస్‌లో డేవిడ్ వార్నర్ ఆడిన ఏడు ఇన్నింగ్స్‌ల్లో ఐదు సార్లు స్టువర్ట్ బ్రాడ్ బౌలింగ్‌లోనే పెవిలియన్‌కు చేరాడు. ఈ సిరిస్‌లో వార్నర్ కేవలం ఒకేఒక్కసారి మాత్రమే డబుల్ ఫిగర్ స్కోరుని అందుకున్నాడు.
|
ఆసీస్ ఓపెనర్ల చెత్త రికార్డు
ఈ సిరిస్‌లో ఇప్పటివరకు మార్కస్ హారిస్‌తో రెండు సార్లు ఓపెనింగ్ చేసిన వార్నర్... మరో రెండు సార్లు కామెరూన్ బాన్‌క్రాప్ట్‌తో ఇన్నింగ్స్‌ను ఆరంభించాడు. తన ఓపెనింగ్ భాగస్వాములతో సరైన భాగస్వామ్యాలను నెలకొల్పడంలో డేవిడ్ వార్నర్ విఫలమయ్యాడు. దీంతో ఆసీస్ ఓపెనర్లు జాబితాలో ఓ చెత్త రికార్డు నమోదైంది.
4 |
98 పరుగులకే 2 వికెట్లు
ఆసీస్ ఓపెనర్ల యావరేజి 8.85గా నమోదైంది. చివరగా 1926లో ఆస్ట్రేలియా ఓపెనర్లు ఈ యావరేజిని నమోదు చేశారు. ఆ తర్వాత కాసేపు నిలకడగానే ఆడిన మార్కస్ హారిస్‌(13)ను కూడా బ్రాడ్ పెవిలియన్‌కు పంపడంతో ఆసీస్ 28 పరుగులకే రెండు వికెట్లు కోల్పోయి కష్టాల్లో పడింది. ఈ స్థితిలో లబుషేన్‌, స్మిత్ జోడీ సంయమనంతో బ్యాటింగ్‌ చేసి ఇన్నింగ్స్‌ను చక్కదిద్దింది.
|
పలుమార్లు కిందపడ్డ బెయిల్స్‌
ఇంగ్లండ్‌ బౌలర్లకు ఎలాంటి అవకాశమివ్వకుండా ముందుకు సాగుతూ... ఆడపా దడపా బౌండరీలు బాదారు. దీంతో లంచ్‌ విరామ సమయానికి ఆస్ట్రేలియా 98/2 స్థితిలో నిలిచింది. ఈ సమయంలో వర్షం పడడంతో ఆట దాదాపు రెండు గంటలు ఆలస్యంగా ప్రారంభమైంది. హోరు గాలి కారణంగా పలుమార్లు బెయిల్స్‌ కింద పడ్డాయి.
|
లాంబుస్‌చేస్‌ హాఫ్ సెంచరీ
దాంతో అంపైర్లు ధర్మసేన, ఎరాస్మస్‌ ఇన్నింగ్స్‌ 32వ ఓవర్లో బెయిల్స్‌ను తొలగించి ఆటను కొనసాగించారు. ఇలా ఆడించడంపై ఇంగ్లండ్‌ కెప్టెన్‌ జో రూట్, బౌలర్‌ బ్రాడ్ అభ్యంతరం వ్యక్తం చేశారు. ఈ సమయంలో కూడా ఆస్ట్రేలియా బ్యాట్స్‌మన్ స్టీవ్ స్మిత్, లాంబుస్‌చేస్‌ తమ జోరుని కొనసాగించారు. ఈ క్రమంలో లాంబుస్‌చేస్‌ హాఫ్ సెంచరీ పూర్తి చేసుకున్నాడు.
|
వరుసగా నాలుగో హాఫ్ సెంచరీ
ఈ సిరీస్‌లో అతడికిది వరుసగా నాలుగో హాఫ్ సెంచరీ. 32 ఓవర్లకు పైగా ఇంగ్లిష్‌ బౌలర్లను అడ్డుకున్న వీళ్లిద్దరూ మూడో వికెట్‌కు 116 పరుగులు జోడించి ఓవర్‌టన్‌ బౌలింగ్‌లో లాంబుస్‌చేస్‌ బౌల్డయ్యాడు. ఆ తర్వాత స్మిత్‌కు జత కలిసిన ట్రావిస్ హెడ్‌ ధాటిగా ఆడి మూడు ఫోర్లు బాదాడు. మళ్లీ వర్షం జోరందుకోవడంతో అంపైర్లు తొలిరోజు ఆట ముగిసినట్టు ప్రకటించారు.
