అదే బౌలింగ్ యాక్షన్: శ్రీలంక మరో మలింగను తయారు చేస్తోందా? (వీడియో)

మలింగ బౌలింగ్ యాక్షన్ ఎలాగ ఉంటుదో

మలింగ బౌలింగ్ యాక్షన్ ఎలాగ ఉంటుదో అతడి బౌలింగ్ యాక్షన్ కూడా అలాగే ఉంది. అంతేకాదు తాను అరంగేట్రం చేసిన తొలి మ్యాచ్‌లోనే అదరగొట్టాడు. అతడి పేరు మతీషా పతిరాణా. వయసు 17 ఏళ్లు. శ్రీలంకలోని కాండీలో ట్రినిటీ కాలేజ్ తరుపున ఆడిన అతడు తన అరంగేట్ర మ్యాచ్‌లో 6 వికెట్లు తీసి 7 పరుగులిచ్చాడు.

సోషల్ మీడియాలో వీడియో వైరల్

ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఇక, లసిత్ మలింగ విషయానికి వస్తే, 1983, ఆగష్టు 28న జన్మించాడు. శ్రీలంక తరుపున లసిత్ మలింగ ఇప్పటి వరకు 30 టెస్టులు మరియు 226 వన్డేలకు ప్రాతినిధ్యం వహించాడు. టెస్టులలో 33.16 సగటుతో 101 వికెట్లు సాధించాడు.

ఒకే ఇన్నింగ్సులో 5 వికెట్లను మూడు సార్లు

అందులో ఒకే ఇన్నింగ్సులో 5 వికెట్లను మూడు సార్లు పడగొట్టాడు. ఇక, బ్యాటింగ్‌లో అత్యధిక స్కోరు 64 నాటౌట్. ఇటీవలే వన్డేలకు రిటైర్మెంట్‌ ప్రకటించాడు. బంగ్లాదేశ్‌తో జరిగిన తొలి వన్డేలో లంక 91 పరుగుల తేడాతో విజయం సాధించి వెటరన్‌ పేసర్‌ మలింగకు ఘనంగా వీడ్కోలు పలికాడు. 2011లో టెస్టులకు వీడ్కోలు పలికాడు.

టీ20లకు మాత్రమే అందుబాటులో

ప్రస్తతం మలింగ టీ20లకు మాత్రమే అందుబాటులో ఉంటున్నాడు. 2007 వన్డే ప్రపంచకప్‌లో దక్షిణాఫ్రికాతో జరిగిన మ్యాచ్‌లో శ్రీలంక కెప్టెన్, వెటరన్ పేసర్ లసిత్‌ మలింగ 4 బంతుల్లో 4 వికెట్లు పడగొట్టి సంచలనాన్ని నమోదు చేశాడు. ఇప్పుడు అదే ఫీట్‌ను మరోసారి పునరావృతం చేశాడు. ఈసారి టీ20ల్లో సత్తా చాటాడు. న్యూజిలాండ్‌తో మూడో టీ20లో 4 వరుస బంతుల్లో 4 వికెట్లు తీసి చరిత్ర సృష్టించాడు.

టీ20ల్లో మలింగకు ఇది రెండో హ్యాట్రిక్

మలింగ దెబ్బకు చివరి టీ20లో శ్రీలంక 37 పరుగుల తేడాతో విజయం సాధించడంతో పాటు... సొంతగడ్డపై తన కెప్టెన్సీలో సిరీస్‌ క్లీన్‌స్వీప్‌ కాకుండా అతను కాపాడుకోగలిగాడు. అంతర్జాతీయ టీ20ల్లో మలింగకు ఇది రెండో హ్యాట్రిక్ కాగా.. వన్డేల్లో మూడు సార్లు ఈ ఘనత సాధించి పాక్ మాజీ పేసర్ వసీమ్ అక్రమ్(4 హ్యాట్రిక్‌లు; 2 టెస్టుల్లో, 2 వన్డేల్లో)ను అధిగమించాడు.