ప్రపంచకప్‌: షోయబ్ అక్తర్ ఫాస్టెస్ట్ డెలివరీ రికార్డుని బద్దలు కొట్టేదెవరు?

జోఫ్రా ఆర్చర్

ఇంగ్లాండ్ వేదికగా ప్రస్తుతం జరుగుతున్న ప్రపంచకప్‌లో ప్రముఖంగా వినిపిస్తోన్న పేరు జోఫ్రా ఆర్చర్. ఈ యువ సంచలనం ఇంగ్లాండ్ విజయాల్లో కీలకపాత్ర పోషిస్తున్నాడు. టోర్నీలో భాగంగా ఇటీవలే బంగ్లాదేశ్‌తో జరిగిన మ్యాచ్‌లో యావరేజి స్పీడ్ 146 kphతో బంతిని సంధించాడు. ఈ ప్రపంచకప్‌లో జోఫ్రా ఆర్చర్ వేసిన అత్యంత వేగవంతమైన బంతి 153 kph స్పీడ్‌ని టచ్ చేసింది. అంతేకాదు ఐపీఎల్ 2018లో టాప్-10 స్పీడ్ డెలివరీల్లో ఐదు బంతులు జోఫ్రా అర్చర్‌వే కావడం విశేషం. ఇదే విధంగా వీరంతా బంతులను సంధిస్తే షోయబ్ అక్తర్ రికార్డు బద్దలు కావడం ఖాయం.

కగిసో రబాడ

అంతర్జాతీయ క్రికెట్‌లోకి అడుగుపెట్టిన ఏడాదే సంచనాలను నమోదు చేశాడు. ప్రస్తుతం దక్షిణాఫ్రికా జట్టులో కీలక బౌలర్‌గా కొనసాగుతున్నాడు. గత జనవరిలో అరంగేట్రం చేసిన కగిసో రబాడ ప్రస్తుతం అటు టెస్టు క్రికెట్‌తో పాటు ఇటు వన్డే క్రికెట్‌లోనూ అగ్రశ్రేణి బౌలర్‌గా కొనసాగుతున్నాడు. టెస్టుల్లో అత్యంత వేగంగా 150 వికెట్లు తీసిన యువ బౌలర్‌గా గతేడాది అరుదైన ఘనత కూడా సాధించాడు. ప్రస్తుతం జరుగుతున్న ప్రపంచకప్‌లో 145నుంచి 150 kph స్పీడ్‌తో బంతులు సంధిస్తున్నాడు.

మార్క్ వుడ్

ఇంగ్లాండ్‌కు చెందిన మార్క్ వుడ్ ఈ ప్రపంచకప్‌లో చక్కటి ప్రదర్శన చేస్తున్నాడు. న్యూజిలాండ్‌తో జరిగిన మ్యాచ్‌లో అంతర్జాతీయ టెస్టు అరంగేట్రం చేసిన మార్క్ వుడ్ ఆ తర్వాత పరిమిత ఓవర్ల ఫార్మాట్‌లో ఇంగ్లాండ్ జట్టులో కీలక ఆటగాడిగా కొనసాగుతున్నాడు. ప్రస్తుతం ఈ ప్రపంచకప్‌లో 90 mph స్పీడ్‌తో బంతులను సంధిస్తున్నాడు.

లుకీ పెర్గుసన్

ప్రస్తుతం జరుగుతున్న ప్రపంచకప్‌లో ఇప్పటివరకు లుకీ ఫెర్గుసన్ ఆడిన ఐదు మ్యాచ్‌ల్లో 14 వికెట్లు తీశాడు. ఫాస్ట్ బౌలర్లు గాయాలు పాలవుతుంటారు. అందుకు ఫెర్గుసన్ కూడా అతీతుడు కాడు. 2012-13 దేశవాళీ సీజన్‌లో కాలికి గాయం అయింది. దీంతో అతడి కెరీర్ ప్రమాదంలో పడింది. అయితే, ఆ తర్వాత అనూహ్యంగా కాలి గాయం నుంచి పుంజుకుని పూర్వ వైభవాన్ని అందుకున్నాడు. ప్రస్తుతం జరుగుతున్న ప్రపంచకప్‌లో 145నుంచి 150 kph స్పీడ్‌తో బంతులు సంధిస్తున్నాడు.