Indonesia Open 2022: సింధు బాటలోనే శ్రీకాంత్‌, లక్ష్యసేన్.. తొలి రౌండ్‌లోనే..

బుధవారం జరిగిన పురుషుల సింగిల్స్‌ తొలి రౌండ్‌లో ప్రపంచ మాజీ నంబర్‌వన్‌ శ్రీకాంత్‌ 21-23, 10-21తో ప్రపంచ 41వ ర్యాంకర్‌బ్రైస్‌ లెవెర్‌డెజ్‌ (ఫ్రాన్స్‌) చేతిలో ఓటమిపాలయ్యాడు. ఇంతకుముందు లెవెర్‌దెజ్‌తో అయిందింటికి 5 మ్యాచ్‌ల్లో శ్రీకాంత్‌ నెగ్గాడు. 42 నిమిషాల్లో ముగిసిన ఈ మ్యాచ్‌లో షటిల్‌పై శ్రీకాంత్‌కు నియంత్రణ లభించలేదు.

అతడి అనవసర తప్పిదాలు ప్రత్యర్థికి లాభించాయి. మరోవైపు హెచ్‌.ఎస్‌.ప్రణయ్‌ ప్రిక్వార్టర్స్‌లో అడుగుపెట్టాడు. తొలి రౌండ్లో ప్రణయ్‌ 21-10, 21-9తో 8వ సీడ్‌ లక్ష్యసేన్‌పై విజయం సాధించాడు. పురుషుల డబుల్స్‌ తొలి రౌండ్లో అర్జున్‌- ధ్రువ్‌ జోడీ 27-25, 18-21, 21-19తో మత్సుయ్‌- యొషినోరి (జపాన్‌) జంటపై గెలిచింది. ఒక గంటా 23 నిమిషాల పాటు హోరాహోరీగా సాగిన పోరులో భారత జోడీదే పైచేయి అయింది.

మంగళవారం జరిగిన మహిళల సింగిల్స్‌ తొలి రౌండ్‌లో ఏడో సీడ్‌ సింధు 14-21, 18-21తో హి బింగ్‌ జియావో (చైనా) చేతిలో ఓడింది. 47 నిమిషాల పాటు జరిగిన ఈ పోరులో సింధు క్రాస్ కోర్ట్ షాట్స్ ఆడటంలో ఇబ్బంది పడింది. పురుషుల సింగిల్స్‌లో సాయిప్రణీత్‌ 16-21, 19-21తో హన్స్‌ క్రిస్టియన్‌ (డెన్మార్క్‌) చేతిలో ఓడాడు.