రెండేళ్లకు పైగా ధోనీ నాయకత్వంలో ఆడుతున్నా
"రెండేళ్లకు పైగా ధోనీ నాయకత్వంలో ఆడుతున్నా. మైదానంలో నన్ను తిట్టడంతో పాటు సూచనలిచ్చేవాడు. ఈ సంఘటల ద్వారా నేను కొన్ని విషయాలు నేర్చుకున్నా. వికెట్ల వెనక నుంచి మహీభాయ్ అన్నింటినీ గమనిస్తాడు. కొన్నిసార్లు బంతివేసే ముందు ఆయనిచ్చిన సలహాలు పాటించడం వల్ల వికెట్లు దక్కేవి" అని చాహల్ అన్నాడు.
డెత్ ఓవర్లలో బౌలింగ్ చేయడం అంత సులభం కాదు
"డెత్ ఓవర్లలో బౌలింగ్ చేయడం అంత సులభం కాదు. ధోని భాయ్ నుండి నేను నేర్చుకున్న ప్రతి విషయం అంతర్జాతీయ స్థాయిలో నాకు చాలా సహాయపడతాయి. నవ్వుతూ ధోనితో నిత్యం టచ్లోనే ఉంటా. పబ్జీ గేమ్ ఆడుతున్న సమయంలో ధోనితో మాట్లాడుతూ" అని దీపక్ చాహర్ తెలిపాడు.
మూడో టీ20లో హ్యాట్రిక్ సాధించిన దీపక్ చాహర్
నాగ్పూర్ వేదికగా గత ఆదివారం బంగ్లాదేశ్తో జరిగిన మూడో టీ20లో దీపక్ చాహర్ హ్యాట్రిక్ సాధించిన సంగతి తెలిసిందే. ఫలితంగా భారత్ తరఫున అంతర్జాతీయ టీ20ల్లో 'హ్యాట్రిక్' తీసిన తొలి బౌలర్గా దీపక్ చహర్ రికార్డుల్లోకి ఎక్కాడు. అయితే మొత్తంగా ఈ ఘనత సాధించిన 11వ బౌలర్ దీపక్.
మూడు రోజుల వ్యవధిలో రెండో హ్యాట్రిక్
అయితే, మూడు రోజుల వ్యవధిలోనే దీపక్ చాహర్ రెండో హ్యాట్రిక్ను సాధించాడు. మంగళవారం ముస్తాక్ అలీ టీ20 ట్రోఫీలో భాగంగా విదర్భతో జరిగిన మ్యాచ్లో దీపక్ చాహర్ హ్యాట్రిక్ సాధించాడు. విదర్భతో జరిగిన మ్యాచ్లో ఇన్నింగ్స్లో 12వ ఓవర్ వేసిన దీపక్ చాహర్ దర్శన్ నల్కండే, శ్రీకాంత్ వాగ్(13), అక్షయ్ వాడ్కర్లను వరుస బంతుల్లో పెవిలియన్కు చేర్చడం ద్వారా ఈ ఘనత సాధించాడు.