సఫారీలను కట్టడి చేసేనా?: అశ్విన్ పుట్టినరోజు స్పెషల్!

అక్టోబర్ 2 నుంచి సొంతగడ్డపై దక్షిణాఫ్రికాతో

ప్రస్తుతం అశ్విన్ అక్టోబర్ 2 నుంచి సొంతగడ్డపై దక్షిణాఫ్రికాతో జరగబోయే టెస్టు సిరిస్‌కు సన్నద్ధమవుతున్నాడు. 2015లో సఫారీ జట్టు భారత పర్యటనకు వచ్చిన సమయంలో దక్షిణాఫ్రికాపై 31 వికెట్లు తీసి 3-0తో టెస్టు సిరిస్‌ను నెగ్గడంలో కీలకపాత్ర పోషించాడు. 2010లో హరారే వేదికగా వన్డేల్లో శ్రీలంకపై అశ్విన్‌ అరంగేంట్రం చేశాడు.

2011లో వెస్టిండీస్‌పై సుదీర్ఘ ఫార్మాట్‌లో

ఆ తర్వాత టీ20ల్లోకి అరంగేట్రం చేసిన అశ్విన్ తన బౌలింగ్‌తో ప్రత్యర్థి జట్టులోని ఆటగాళ్లను ఇబ్బందికి గురిచేశాడు. ఆ మరుసటి ఏడాది 2011లో వెస్టిండీస్‌పై సుదీర్ఘ ఫార్మాట్‌లో అడుగుపెట్టాడు. 8 వికెట్లు తీసి అరంగేట్ర మ్యాచ్‌లోనే అత్యధిక వికెట్లు తీసిన భారత రెండో బౌలర్‌గా అరుదైన ఘనత సాధించాడు.

18 టెస్టుల్లోనే 100 వికెట్లు

ఈ జాబితాలో భారత మాజీ బౌలర్ నరేంద్ర హీర్వాణి (16 వికెట్లు) అగ్రస్థానంలో ఉన్నాడు. ఇక, 16 టెస్టుల్లోపే 9 సార్లు 5 వికెట్ల ఘనత సాధించాడు. 18 టెస్టుల్లోనే 100 వికెట్లు ఖాతాలో వేసుకొని అత్యంత వేగంగా వంద వికెట్లు సాధించిన ఎర్రపల్లి ప్రసన్న రికార్డును సైతం అశ్విన్ బద్దలు కొట్టాడు.

టెస్టుల్లో అశ్విన్ అత్యుత్తమం 7/59

ఇక, టెస్టుల్లో అశ్విన్ అత్యుత్తమం 7/59. అంతేకాదు ఒక ఇన్నింగ్స్‌లో ఐదు వికెట్లను 26 సార్లు... పది వికెట్లను 7 సార్లు సాధించాడు. చైనామన్ స్పిన్నర్లు కుల్దీప్ యాదవ్, యజువేంద్ర చాహాల్‌లు పరిమిత ఓవర్ల క్రికెట్‌లో అద్భుత ప్రదర్శన చేయడంతో అశ్విన్ ప్రస్తుతం సుదీర్ఘ ఫార్మాట్‌కే పరిమితమయ్యాడు.