ధోని అనుభవం
కోహ్లీ విషయానికి వస్తే నాయకత్వంలో నిబద్ధతతో పనిచేస్తాడని సచిన్ అన్నాడు. వరల్డ్కప్లో ధోని అనుభవం గురించి కూడా సచిన్ స్పందించాడు. "వికెట్ కీపర్గా ధోని అనుభవం, సమయస్ఫూర్తి టీమిండియాకు ఎంతో కీలకం. స్టంప్స్ వెనకాల నిలబడి అతడు మైదానాన్ని మొత్తం పరిశీలిస్తాడు. బ్యాట్స్మెన్ తీరును పసిగట్టగలడు" అని సచిన్ తెలిపాడు.
ధోనీనే బంతిని బాగా గమనిస్తాడు
"బౌలర్ బంతి వేయడం ప్రారంభించాక బ్యాట్స్మెన్ కంటే ధోనీనే బంతిని బాగా గమనిస్తాడు. అందుకే స్టంప్స్ వెనక ఎంతో అనుభవమున్న ధోనీ టీమిండియాకు బోనస్" అని సచిన్ తన అభిప్రాయాన్ని వ్యక్తం చేశాడు. ఈ వరల్డ్కప్లో టీమిండియా విజయాల్లో కీలకపాత్ర పోషించేది టాప్-3 బ్యాట్స్మెనే అని సచిన్ అన్నాడు.
కోహ్లీ కెప్టెన్సీ గురించి
కోహ్లీ కెప్టెన్సీ గురించి మాట్లాడుతూ "కోహ్లీ కెప్టెన్సీ ఎలా ఉంటుందో అందరికీ తెలిసిందే. ఐపీఎల్లో విఫలమైనంత మాత్రాన అతడి నైపుణ్యాన్ని విమర్శించడం, ఆత్మవిశ్వాసాన్ని దెబ్బతీయడం సరికాదు" అని సచిన్ అన్నాడు. టోర్నీలో భాగంగా శనివారం భారత్, న్యూజిలాండ్ జట్ల మధ్య వార్మప్ మ్యాచ్ ప్రారంభమైంది.
మొత్తం 10 జట్లు
టోర్నీలో మొత్తం 10 జట్లు పాల్గొంటున్నాయి. యుకేలోని మొత్తం 11 వేదికల్లో 46 రోజుల పాటు మొత్తం 48 మ్యాచ్లు జరగనున్నాయి. టోర్నీలో భాగంగా కోహ్లీ నాయకత్వంలోని టీమిండియా జూన్ 5న సౌతంప్టన్ వేదికగా దక్షిణాఫ్రికాతో తన తొలి మ్యాచ్ ఆడనుంది. వరల్డ్కప్కు ఇంగ్లాండ్ ఆతిథ్యమివ్వడం ఇది ఐదోసారి.