10000 పరుగుల క్లబ్‌లో కోహ్లీ: నమోదు చేసిన రికార్డులివే

By Nageshwara Rao M

Published: Wednesday, October 24, 2018, 18:38 [IST]

హైదరాబాద్: విశాఖపట్నం వేదికగా వెస్టిండిస్‌తో జరిగిన రెండో వన్డేలో టీమిండియా కెప్టెన్ విరాట్ కోహ్లీ చరిత్ర సృష్టించాడు. వన్డేల్లో అత్యంత వేగంగా పది వేల పరుగుల మైలురాయిని అందుకున్న క్రికెటర్‌గా అరుదైన ఘనత సాధించాడు.

వన్డేల్లో పది వేల పరుగులు చేసిన ఐదో భారత బ్యాట్స్‌మన్‌గా మొత్తంగా 13వ బ్యాట్స్‌మన్‌గా నిలిచాడు. ఇప్పటి వరకు భారత్ తరఫున సచిన్ టెండూల్కర్ (18,426), సౌరవ్ గంగూలీ (11,363), రాహుల్ ద్రవిడ్ (10,889), మహేంద్రసింగ్ ధోనీ (10,126) మాత్రమే ఈ రికార్డుని అందుకున్నారు.

ఈ క్రమంలో సచిన్ రికార్డుని కోహ్లీ అధిగమించాడు. వన్డేల్లో పదివేల పరుగుల మైలురాయిని అందుకోవడానికి సచిన్ 259 ఇన్నింగ్స్‌లు తీసుకోగా కోహ్లీకి 205 ఇన్నింగ్స్‌ల్లోనే ఈ ఘనత సాధించాడు. 9000 పరుగుల నుంచి పది వేల పరుగుల మైలురాయిని కోహ్లీ కేవలం 11 ఇన్నింగ్స్‌ల్లోనే అందుకున్నాడు.

అంతేకాదు విశాఖ వన్డేలో కోహ్లీ 37వ సెంచరీని సాధించాడు. 107 బంతుల్లో 10 ఫోర్ల సాయంతో 102 పరుగుతో సెంచరీని సాధించాడు. వన్డేల్లో కోహ్లీకి ఇది 37వ సెంచరీ కావడం విశేషం. ఈ సిరిస్‌లో ఇది రెండోది కావడం గమనార్హం. ఈ క్రమంలో కోహ్లీ ఆసీస్ మాజీ క్రికెట్ దిగ్గజం రికీ పాంటింగ్ రికార్డుని అధిగమించాడు.

No 3 స్లాట్‌లో క్రీజులోకి వచ్చి రికీ పాంటింగ్ 29 సెంచరీలు చేయగా... విరాట్ కోహ్లీ ఇదే స్థానంలో క్రీజులోకి వచ్చి 30 సెంచరీలు సాధించాడు. అంతేకాదు ఈ 30 సెంచరీలు చేసేందుకు గాను కోహ్లీకి 153 ఇన్నింగ్స్‌లు అవసరం కాగా, పాంటింగ్ 330 ఇన్నింగ్స్‌లు తీసుకున్నాడు.

ఈ క్రమంలో కోహ్లీ ఖాతాలో పలు రికార్డులు వచ్చి చేరాయి. అవేంటో ఒక్కసారి చూద్దాం....