'నాకే ఇబ్బందిగా ఉంది.. మరోసారి ఇలాంటి పని చేయను'

బ్యాట్ డ్రాప్ మరోసారి రిపీట్ చేయనని

హెడింగ్లే వన్డే సెంచరీ హీరో జో రూట్.. బ్యాట్ డ్రాప్ మరోసారి రిపీట్ చేయనని అన్నాడు. భారత్‌తో జరిగిన నిర్ణయాత్మక వన్డేలో ఇంగ్లాండ్ జట్టు సిరీస్ విజయంలో రూట్ కీలక పాత్ర పోషించాడు.257 పరుగుల లక్ష్య చేధనలో బాధ్యతాయుతంగా ఆడి సెంచరీతో ఇంగ్లండ్‌ను సిరీస్ విజేతగా నిలిపాడు. విన్నింగ్ షాట్‌తోనే సెంచరీ పూర్తి చేసి.. రెట్టించిన ఆత్మవిశ్వాసంతో పిచ్‌పై బ్యాట్‌ను వదిలేసి సంబరాలు జరుపుకున్నాడు.

ఇంగ్లాండ్ ఫ్యాన్స్‌‌తో పాటు క్రికెట్ అభిమానులందరికీ

ఇంగ్లాండ్ ఫ్యాన్స్‌కు మాత్రమే కాదు క్రికెట్ అభిమానులందరికీ రూట్ సంబరాలు జరుపుకున్న విధానం బాగా నచ్చేసింది. రూట్ బ్యాట్‌ను పడేసి జరుపుకున్న సంబరాలకు 'బ్యాట్ డ్రాప్' సెలబ్రేషన్స్‌ అంటూ అభిమానులు పేరు పెట్టారు. దీంతో బ్యాట్‌ను జారవిడిచి జరుపుకున్న సంబరాలు తనను ఎంతగానో ఇబ్బందిపెట్టాయని రూట్ భావిస్తున్నాడు.

మైదానంలో చేసిన ఇబ్బందికర పని.

తాను చేసిన పని తనకే నచ్చలేదని ఇంగ్లండ్ స్టార్ బ్యాట్స్‌మెన్ అభిప్రాయపడ్డాడు. 'బ్యాట్ డ్రాప్ సెలబ్రేషన్స్‌ జరుపుకున్న వెంటనే చింతించాను. ఇది క్రికెట్ మైదానంలో చేసిన ఇబ్బందికర పని. ఇటువంటి పనిని మరోసారి పునరావృతం చేయను.' అని ట్విట్టర్ వేదికగా వెల్లడిస్తూ.. పశ్చాత్తాపాన్ని వ్యక్తం చేశాడు.

బ్యాట్‌ డ్రాప్'సెలబ్రేషన్స్‌‌ను

క్రికెట్‌కు 'బ్యాట్‌ డ్రాప్'సెలబ్రేషన్స్‌‌ను పరిచయం చేసిన ఆటగాడిగా జో రూట్‌ను అభిమానులు ఆకాశానికెత్తేస్తున్నారు. బ్యాట్ డ్రాప్‌ సంబరాలపై రూట్ అభిప్రాయం ఎలా ఉన్నా.. మిగతా క్రికెటర్లు ఖచ్చితంగా ఇదే విధంగా సెలబ్రేషన్స్ జరుపుకుంటారని ఫ్యాన్స్ ఆశిస్తున్నారు.