Click it and Unblock the Notifications
15 పరుగులు మాత్రమే:
జస్ప్రీత్ బుమ్రా ఐపీఎల్ 2021లో కూడా మెరుస్తున్నాడు. రాజస్థాన్ రాయల్స్లో గురువారం జరిగిన మ్యాచ్లో ముంబై ఇండియన్స్ సునాయాసంగా విజయం సాధించిన విషయం తెలిసిందే. బుమ్రా నాలుగు ఓవర్లు వేసి వికెట్ తీయడమే కాకుండా.. 15 పరుగులు మాత్రమే ఇచ్చాడు. మ్యాచ్ అనంతరం ఓ క్రికెట్ షోలో మాజీ ఆటగాళ్లు ఇర్ఫాన్ పఠాన్, బ్రెట్ లీలు బుమ్రా బౌలింగ్ గురించి ప్రస్తావించారు. ఈ సందర్భంగానే ఇద్దరూ అతడిపై ప్రశంసలు కురిపించారు. 27 ఏళ్ల బుమ్రా ఇప్పటివరకు టీమిండియా తరఫున 19 టెస్టులు, 67 వన్డేలు, 50 టీ20లు ఆడాడు.
బ్రేక్ త్రూ యాప్ లాంటివాడు:
'జస్ప్రీత్ బుమ్రా సూపర్ బౌలర్. కెరీర్ ఆరంభం నుంచి నిలకడగా రాణిస్తున్నాడు. అద్భుత బంతులు విసురుతున్నాడు. బుమ్రా.. 'బ్రేక్ త్రూ యాప్' లాంటివాడు. నీకు వికెట్ కావాలనుకుంటే బుమ్రా యాప్ను ఓపెన్ చేస్తావ్. అలాగే పరుగులు కట్టడి చేయాలన్నా.. బుమ్రానే. రాజస్థాన్ రాయల్స్తో మ్యాచ్లో కూడా అదే చూశాం. ముంబై ఇండియన్స్కు బుమ్రా ఆడుతున్న తొలి ఐపీఎల్ నుంచి అతనే అదే చేస్తూ వస్తున్నాడు' అని ఇర్ఫాన్ పఠాన్ కొనియాడాడు.
అందుకే అసాధారణ బౌలర్:
'జస్ప్రీత్ బుమ్రా క్లాస్, ఫైర్ పవర్ ఉన్న బౌలర్. అతని డిఫరెంట్ యాక్షన్ బ్యాట్స్మెన్కు చాలా కష్టంగా ఉంటుంది. అతను వేసే లైన్ అండ్ లెంగ్త్ బాల్స్ అన్నీ కచ్చితత్వంతో వేస్తాడు. అందుకే అసాధారణ బౌలర్ అయ్యాడు. బుమ్రా చేసేది మిగతా చాలా మంది బౌలర్లు చేయలేకపోతున్నారు. అతను వేసే యార్కర్లకు అసలు తిరుగే ఉండదు' అని ఐపీఎల్ బ్రాడ్ కాస్టర్ స్టార్ స్పోర్ట్స్తో మాట్లాడిన బ్రెట్ లీ చెప్పుకొచ్చాడు. రెండు వరుస పరాజయాల తర్వాత డిఫెండింగ్ చాంపియన్ ముంబై ఇండియన్స్ అదరగొట్టింది. ఆల్రౌండ్ ప్రదర్శనతో రాజస్థాన్ను చిత్తుచేసి గాడిలో పడింది.
వరుస పరాజయాలకు చెక్:
టాస్ ఓడి తొలుత బ్యాటింగ్ చేసిన రాజస్థాన్ నిర్ణీత 20 ఓవర్లలో 4 వికెట్లకు 171 పరుగులు చేసింది. సంజూ శాంసన్ (27 బంతుల్లో 42; 5ఫోర్లు), జోస్ బట్లర్ (32 బంతుల్లో 41; 3ఫోర్లు, 3సిక్స్లు) రాణించారు. ముంబై బౌలర్లలో రాహుల్ చహర్ రెండు వికెట్లు తీశాడు. లక్ష్య ఛేదనలో ఓపెనర్ క్వింటన్ డికాక్ (50 బంతుల్లో 70 నాటౌట్; 6ఫోర్లు, 2 సిక్స్లు) అజేయ అర్ధ శతకంతో అదరగొట్టడంతో ముంబై 18.3 ఓవర్లలోనే 3 వికెట్లకు 172 పరుగులు చేసింది. రాజస్థాన్ బౌలర్లలో మోరిస్కు రెండు వికెట్లు దక్కాయి.
Continue with Google