సచిన్ సెలక్టర్లు ఎలా
"రిటైర్మెంట్కు ముందు సచిన్ టెండూల్కర్ విషయంలో సెలక్టర్లు ఎలా వ్యవహరించారో ధోని విషయంలో కూడా అదే పంథా అనుసరించాలి. ధోనీ 38 ఏళ్ల వయసులో మునుపటిలా ఆడాలనుకోవడం సరికాదు. తమ కెరీర్లో సరిగ్గా ఆడని క్రికెటర్లు సైతం అతడిని విమర్శిస్తున్నారు. నిజమైన ఆటగాళ్లకే ధోనీ విలువ తెలుస్తుంది" అని తెలిపాడు.
ధోని రనౌట్ కావడం
వరల్డ్కప్ సెమీస్లో న్యూజిలాండ్తో జరిగిన మ్యాచ్లో ధోని రనౌట్ కావడం గురించి సంజయ్ను ప్రశ్నించగా "జట్టు ప్రయోజనాలకు, పరిస్థితులకు అనుగుణంగా ప్రపంచకప్లో ధోని శక్తి మేరకు రాణించాడు. సెమీ ఫైనల్లో కూడా అతడు వ్యూహాత్మకంగానే మైదానంలోకి దిగాడు. అయితే దురదృష్టవశాత్తూ రనౌట్ అయ్యాడు. ఆ ఒక్క కారణంగా ధోని ఆట ముగియాలనుకోవడం సరైంది కాదు" అని అన్నాడు.
ధోని విలువ వారికి తెలియకపోయినా
ధోని విలువ వారికి తెలియకపోయినా భవిష్యత్ తరం ఆటగాళ్లు మాత్రం ఈ విషయాన్ని తప్పక గుర్తిస్తారని జగ్దాలే పేర్కొన్నాడు. యువ వికెట్కీపర్, బ్యాట్స్మన్ రిషభ్పంత్ను ప్రపంచకప్ ముందు జట్టులో ఆడిస్తే... అతడు ధోనీతో కలిసి ఆడి ఉంటే ఎంతో నేర్చుకునేవాడని సంజయ్ జగ్దాలే వెల్లడించాడు.
వెస్టిండీస్ పర్యటన కోసం టీమిండియా
ఆదివారం వెస్టిండీస్ పర్యటన కోసం భారత జట్టును ఎంపిక చేసేందుకు ముంబైలోని బీసీసీఐ హెడ్ క్వార్టర్స్లో సెలక్టర్లు సమావేశమవుతున్నారు. దీంతో ధోనిని ఎంపిక చేస్తారా లేదా విశ్రాంతినిస్తారా అనేది అందరిలోనూ ఆసక్తి నెలకొంది. మరి కొంత కాలం క్రికెట్ ఆడటానికి ధోని ఇష్టపడుతుండటంతో ధోనిపై సెలక్టర్లు ఏ నిర్ణయం తీసుకుంటారో చూడాలి.