పింక్‌ బాల్‌తో అనుభవం భిన్నంగా ఉంది: తొలి డే/నైట్ టెస్టుపై కోహ్లీ ఆసక్తికర వ్యాఖ్యలు

పింక్ బాల్‌తోనే ప్రాక్టీస్ చేసిన కోహ్లీ

నెట్స్‌లో పింక్ బాల్‌తోనే ప్రాక్టీస్ చేయడం విశేషం. గురువారం నుంచి తొలి టెస్టు ప్రారంభం కానున్న నేపథ్యంలో బుధవారం విరాట్ కోహ్లీ మీడియాతో మాట్లాడుతూ "ఇది కొంచెం ఆతృతగా ఉంది. సుదీర్ఘ ఫార్మాట్‌లో ఉత్సాహాన్ని కలిగించడానికి ఇది కొత్త మార్గం అని నా అభిప్రాయం. మేము అందరం దీని గురించి చాలా సంతోషిస్తున్నాం" అని కోహ్లీ అన్నాడు.

పింక్‌ బాల్‌పై విరాట్ కోహ్లీ

"ఇంతకు ముందు ఆడిన టెస్టు మ్యాచ్‌లు ఎర్రబంతితో ఆడాం. ఇప్పుడు డే-నైట్‌ టెస్టులకు పింక్‌ బాల్‌ని వినియోగించనున్నారు. దీంతో ఆ బంతితోనే ప్రాక్టీస్‌ మొదలు పెట్టాను. పింక్‌ బాల్‌తో ఆడిన అనుభం భిన్నంగా ఉంది. రెడ్‌ బాల్‌ కన్నా పింక్‌ బాల్‌ స్వింగ్‌ ఎక్కువ అవుతుంది" అని కోహ్లీ తెలిపాడు.

పింక్ బాల్‌తో ఆడడం కొంచెం కఠినంగా

"ఎర్రబంతితో ఆడి, ఒక్కసారిగా పింక్ బాల్‌తో ఆడడం కొంచెం కఠినంగా అనిపించింది. ఎందుకంటే ఆ బంతిపై పూత ఎక్కువగా ఉంది. బంతిపై ఎక్కువ శ్రద్ధ పెట్టాల్సి ఉంటుంది. పింక్‌ బాల్‌తో ఆడడాన్ని అందరూ ఆస్వాదిస్తారు. పింక్‌బాల్‌ వల్ల బౌలర్లకు అదనపు ప్రయోజనం కలుగుతుంది. పాత బంతి ఎలా ప్రవర్తిస్తుందో తెలియదు. మంచులో, బంతి పైపూత పోయిన తర్వాత బంతి ప్రవర్తన చూసేందుకు ఆసక్తికరంగా ఉంది" అని విరాట్ కోహ్లీ అన్నాడు. బంగ్లాతో జరిగిన టీ20 సిరిస్‌కు విశ్రాంతి తీసుకున్న కోహ్లీ మళ్లీ జట్టుతో కలిశాడు.

పింక్-బాల్ టెస్ట్ మ్యాచ్ వచ్చినప్పుడు

"టెస్ట్ క్రికెట్‌లో మీ దృష్టిని పక్కకు తిప్పుకోలేరు. ఒక సెషన్ కూడా కాదు, ఒక ఓవర్ కూడా కాదు. ఎరుపు బంతితో, మీరు మీ దృష్టిలో, మీరు ఆడే ప్రతి ఆట, మీరు ఆడే ప్రతి బంతి, మీరు క్రీజులో ఉన్నప్పుడు ప్రతి పరిస్థితిలో ఖచ్చితంగా వ్యవహారించాలి. మా ప్రైమరీ ఫోకస్ అంతా రేపటి టెస్టు మ్యాచ్‌పైనే. పింక్-బాల్ టెస్ట్ మ్యాచ్ వచ్చినప్పుడు, నేను చెప్పినట్లుగా సంతోషిస్తాం" అని కోహ్లీ తెలిపాడు.