భజ్జీ మాట్లాడుతూ
ఈ నేపథ్యంలో భజ్జీ మాట్లాడుతూ "ఆస్ట్రేలియా దిగ్గజ వికెట్ కీపర్ ఆడమ్ గిల్క్రిస్ట్ తరహాలో రిషబ్ పంత్ హిట్టింగ్ చేయగలడు. ఎంతలా అంటే ఒక ఓవర్లోనే ఆరు సిక్సర్లు కొట్టలేడుగానీ.. ఓ 30 బంతులు ఆడితే మాత్రం కనీసం ఆరు సిక్సర్లు కొట్టే సామర్థ్యం అతనిలో ఉంది. ఆ మాత్రం హిట్టింగ్ చాలదా? మ్యాచ్ని మలుపు తిప్పడానికి" అని అన్నాడు.
ఓ పవర్ హిట్టర్ అవసరం
"ప్రస్తుతం భారత్ జట్టుకి ఓ పవర్ హిట్టర్ అవసరం ఉంది. ఆరంభంలోనే వేగంగా మూడు వికెట్లు చేజారిన తర్వాత.. లోయర్ ఆర్డర్లో పంత్ తరహా హిట్టర్ ఉంటే జట్టుకే మేలు జరుగుతుంది" అని హర్భజన్ సూచించాడు. 291 పరుగుల విజయ లక్ష్యంతో బరిలోకి దిగిన భారత జట్టులో ధావన్ (0), కోహ్లీ (3), రాయుడు (0) విఫలమయ్యారు.
రోహిత్ సెంచరీ
ఓపెనర్ రోహిత్ శర్మ (133) అద్భుత సెంచరీ నమోదు చేసినప్పటికీ, ధోని (51) హాఫ్ సెంచరీ రాణించినా .... చివర్లో రోహిత్కి సహకారం లభించకపోవడంతో భారత్ 254/9కే పరిమితమైంది. దీంతో మూడు వన్డేల సిరీస్లో 1-0తో ఆస్ట్రేలియా ఆధిక్యంలో నిలిచింది. ఆసీస్ యువ పేసర్ రిచర్డ్సన్ (4/26) కెరీర్లో సంచలన ప్రదర్శన చేశాడు.
మంగళవారం రెండో వన్డే
మూడు వన్డేల సిరిస్లో భాగంగా అడిలైడ్ వేదికగా ఆస్ట్రేలియాతో మంగళవారం రెండో వన్డే జరగనుండగా, ఆ తర్వాత మెల్బోర్న్ వేదికగా శుక్రవారం మూడో వన్డే జరగనుంది. అనంతరం జనవరి 23 నుంచి న్యూజిలాండ్ పర్యటనలో ఐదు వన్డేలు, మూడు టీ20ల సిరీస్లో తలపడనుంది.