మా బ్యాట్స్మెన్ మళ్లీ నిరాశపరిచారు:
రెండో రోజు మ్యాచ్ అనంతరం ఫ్లాయిడ్ రీఫర్ మాట్లాడుతూ... 'మా బ్యాట్స్మెన్ మళ్లీ నిరాశపరిచారు. ఇన్నింగ్స్ ఆరంభంలో మా బ్యాట్స్మెన్ ఎక్కువ బంతులను వదిలేయకపోయారు. బంతి కదులుతున్నప్పుడు వీలైనంత ఆలస్యంగా ఆడాలి. కానీ మా బ్యాట్స్మెన్ అలా చేయలేదు. సొంత గడ్డపై ఇంత చెత్తగా బ్యాటింగ్ చేస్తారనుకోలేదు. జట్టులో ఉన్న లోపాలు సవరించుకొని మ్యాచ్ కొనసాగించాలి' అని పేరొన్నారు.
మాకు కఠినమైన రోజు:
'ఈ రోజు మాకు కఠినమైన రోజు. మేము ప్రారంభించిన విధానాన్ని చూస్తే టీమిండియాను త్వరలోనే ఆలౌట్ చేస్తామనుకున్నాం. కానీ అలా జతగలేదు. మా బౌలర్లు చాలా మంచి లైన్ అండ్ లెంగ్త్ వేశారు. రోచ్, హోల్డర్, కార్న్వాల్ బాగా బౌలింగ్ చేశారు. ఓ దశలో 302/7 తో నిలిచిన సమయంలో మా బౌలర్లు సద్వినియోగం చేసుకోలేదు. విహారీ, ఇషాంత్ అద్భుతంగా పోరాడారు. హోల్డర్ 5 వికెట్లతో చెలరేగినప్పటికీ అప్పటికే ఆలస్యం అయింది. బుమ్రా అద్భుతమైన స్పెల్ వేశాడు. అతడిని అభినందించాల్సిందే' అని ఫ్లాయిడ్ అన్నారు.
బుమ్రా దెబ్బ:
తొలి ఇన్నింగ్స్ ఆరంభించిన విండీస్కు బుమ్రా తన పేస్ రుచి చూపించాడు. ఏడో ఓవర్లోనే ఓపెనర్ క్యాంప్బెల్ (2)ను పెవిలియన్ చేర్చాడు. ఇక తొమ్మిదో ఓవర్లో హ్యాట్రిక్ నమోదు చేసాడు. డారెన్ బ్రేవో(4), బ్రూక్స్(0), రోస్టన్ ఛేజ్(0)లను ఔట్ చేసాడు. బ్రాత్వైట్, కూడా బుమ్రా బౌలింగ్లో పెవిలియన్ చేరడంతో 22 పరుగులకే ఐదు వికెట్లు కోల్పోయి విండీస్ కష్టాల్లో పడింది. ఈ సమయంలో విండీస్ను హెట్మెయిర్ (34) ఆదుకున్నాడు. అయితే షమీ అతన్ని ఔట్ చేసాడు. మరోవైపు హోల్డర్ కూడా బుమ్రాకి చిక్కడంతో విండీస్ 87 పరుగులకు 7 వికెట్లను చేజార్చుకుంది.