బుమ్రాకు ఉచిత సలహా.. సంజయ్‌ మంజ్రేకర్‌పై నెటిజన్ల ఫైర్‌!!

వెల్లింగ్టన్‌: న్యూజిలాండ్‌తో జరిగిన మూడో టీ20లో టీమిండియా సూపర్‌ ఓవర్‌లో విజయం సాధించి సిరీస్‌ను సొంతం చేసుకుంది. అయితే ఆ సూపర్‌ ఓవర్‌లో టీమిండియా స్టార్ పేసర్‌, యార్కర్ కింగ్ జస్‌ప్రీత్‌ బుమ్రా 17 పరుగులు ఇచ్చాడు. ఆ ఓవర్‌లో కేన్‌ విలియమ్సన్‌, మార్టిన్‌ గప్టిల్‌లు ధాటిగా ఆడి భారత్‌కు 18 పరుగుల టార్గెట్‌ను నిర్దేశించారు. ఛేదనలో రోహిత్‌ శర్మ-కేఎల్‌ రాహుల్‌లు విరుచుకుపడడంతో భారత్‌ చిరస్మరణీయమైన విజయాన్ని అందుకుంది. ముఖ్యంగా రోహిత్ వరుస రెండు సిక్సులు బాది విజయంలో కీలక పాత్ర పోషించాడు.

విఫలమైన కోహ్లీ, అయ్యర్.. పాండే హాఫ్ సెంచరీ.. న్యూజిలాండ్ టార్గెట్ 166

సూపర్‌ ఓవర్‌లో బుమ్రా 17 పరుగులు ఇవ్వడంతో అతనికి భారత కామెంటేటర్‌ సంజయ్‌ మంజ్రేకర్‌ ఓ ఉచిత సలహా ఇచ్చాడు. 'బుమ్రా సూపర్‌ ఓవర్‌ను చూశాను. అతడో అద్భుతమైన బౌలర్. కానీ.. క్రీజుని మరింత ఉపయోగించుకుని వివిధ కోణాల్లో వైవిధ్యమైన బంతుల్ని వేయాలి' అని సంజయ్‌ ఓ ట్వీట్ ద్వారా సలహా ఇచ్చాడు. ఇది నెటజన్లకు మరొకసారి ఆగ్రహం తెప్పించింది.

ఇప్పటికే అనేకసార్లు నెటిజన్ల విమర్శల బారిన పడ్డ మంజ్రేకర్‌ను మళ్లీ దుమ్మెత్తిపోశారు. 'సాధారణ ప్లేయర్‌ అయిన నువ్వు.. ప్రపంచ నంబర్‌ వన్ బౌలర్‌ బుమ్రాకే సలహా ఇస్తున్నావా?' అంటూ మండిపడుతున్నారు. 'నాలుగో టీ20లో బుమ్రాకి బదులుగా టీమిండియాలో సంజయ్‌కు చోటు ఇవ్వండి', '2019లోనే అనుకుంటే 2020లో మొదలుపెట్టావా? అందర్నీ విమర్శించడమే నీ లక్ష్యమా?' అంటూ నెటిజన్లు కామెంట్లు చేస్తున్నారు.

అయిదు టీ20ల సిరీస్‌లో భారత్ 3-0తో ఆధిక్యంలో ఉన్న సంగతి తెలిసిందే. వెల్లింగ్టన్‌ వేదికగా నాలుగో మ్యాచ్‌ జరుగుతోంది. ముందుగా బ్యాటింగ్ చేసిన టీమిండియా.. న్యూజిలాండ్‌కు 166 పరుగుల టార్గెట్‌ను నిర్దేశించింది. మనీష్‌ పాండే (50 నాటౌట్‌; 36 బంతుల్లో 3 ఫోర్లు) మెరవగా.. కేఎల్‌ రాహుల్‌(39; 26 బంతుల్లో 3 ఫోర్లు, 2 సిక్సర్లు), శార్దూల్‌ ఠాకూర్‌ (20;15 బంతుల్లో 2 ఫోర్లు)లు ఫర్వాలేదనిపించారు. కివీస్‌ బౌలర్లలో ఇష్‌ సోధీ మూడు వికెట్లు సాధించగా.. బెన్నెట్‌ రెండు వికెట్లు తీశాడు.

Stop it, you were an average player..

— karthik (@sillykarthik) January 30, 2020

Heard Sanjay's commentary. He is such a fabulous commentator, but he could use the mute button on his microphone to create different (better) experience

— Jay (@mehta_jay27) January 30, 2020

You giving tips to Bumrah😂😂😅😅😅 So you are the one who gave some tips to him before last match🤔

— RishiVardhan (@RishivardhanK) January 30, 2020

Watched that super over from Bumrah. He is such a fabulous bowler but he could use the crease a little more to create different delivery angles. #INDvsNZ

— Sanjay Manjrekar (@sanjaymanjrekar) January 30, 2020

Such an underrated reply 😂😂

— Vish Sawant (@VishwambharSawa) January 30, 2020

Manjrekar is such a fabulous commentator but he could use the mute option a little more to create different audience experiences.

— Chirag (@tuvter) January 30, 2020

Sanjay Manjjrekar of 2019 is back at 2020. Why Sanjay? I think getting mass abuse is your passion

— Subhamoy (@Subhamo02129975) January 30, 2020