Click it and Unblock the Notifications
ఫామ్‌లో లేని కిషన్..
ఇషాన్ కిషన్ ఇటీవలి కాలంలో ఏమాత్రం ఆకట్టుకోవడం లేదు. అతను ఆడిన చివరి 12 టీ20ల్లో ఓపెనర్‌గా వచ్చినా కూడా ఒక్క హాఫ్ సెంచరీ చేయలేకపోయాడు. అతని టాప్ స్కోర్ శ్రీలంకపై చేసిన 36 పరుగులే. ఆ తర్వాత వరుసగా సింగిల్ డిజిట్ స్కోర్లకే పరిమితం అయ్యాడు. దీనిపై డీకే అసహనం వ్యక్తం చేశాడు. 'చాలా మంచి అవకాశాలు ఇచ్చినా కనీసం ఒక్క హాఫ్ సెంచరీ కూడా చేయలేకపోయిన ఆటగాడు ఇషాన్ కిషన్. చివరి 11 మ్యాచుల్లో అతను హాఫ్ సెంచరీ దరిదాపులకు కూడా పోలేదు. వీటన్నింట్లో అతను ఓపెనింగ్ చేయడం గమనార్హం' అని చెప్పాడు.
చెత్త ప్రదర్శన..
టీ20 క్రికెట్‌లో ఓపెనర్‌గా రావడం ఒక లగ్జరీ అని, అది కూడా ఏసియాలో ఓపెనర్‌గా రావడం గొప్ప ఛాన్స్ అని డీకే అన్నాడు. ఇలాంటి అవకాశం వచ్చినా కిషన్ రాణించడం లేదు. అతను చివరి 10 మ్యాచుల్లో ఓపెనర్‌గా వచ్చి కేవలం 122 పరుగులే చేశాడు. వీటిలో అతని సగటు 12.2 మాత్రమే కావడం గమనార్హం. గతేడాది జూన్ నెలలో భారత్, సౌతాఫ్రికా జట్లు టీ20 సిరీస్ ఆడాయి. విశాఖపట్టణం వేదికగా జరిగిన ఈ మ్యాచ్‌లో ఇషాన్ కిషన్ చివరగా హాఫ్ సెంచరీ చేశాడు. అది 12 ఇన్నింగ్స్‌ల క్రితం జరిగిన మ్యాచ్.
భారీ స్కోర్లు కంపల్సరీ..
కివీస్‌తో మూడు టీ20ల సిరీస్‌లో తొలి మ్యాచ్‌లో కూడా కిషన్ ఆడలేదు. అందుకే మిగతా రెండు మ్యాచుల్లో అతను రాణించడం చాలా ముఖ్యమని డీకే చెప్పాడు. 'ఈ రెండు మ్యాచులు ఇషాన్ కిషన్‌కు చాలా కీలకం. ఈ మ్యాచుల్లో అతనికి అవకాశం ఉండాలంటే.. భారీ స్కోర్లు చేయడం కంపల్సరీ. తను వన్డేల్లో తక్కువ అవకాశాలు దక్కినా అతను బాగానే రాణించాడు. ఈ ఫార్మాట్లో ఆటగాడిగా ఎదగడానికి, తనకు దక్కే అవకాశాలను మెరుగు పరుచుకునేందుకు ట్రై చేస్తున్నాడు' అని డీకే వివరించాడు.
