INDvsNZ : ఇంకొక్క ఛాన్స్ ఇవ్వండి.. దీపక్ హుడాకు దిగ్గజం మద్దతు!

ఆ ఛాన్స్ ఇవ్వండి..

టీమిండియాలో ఆరో స్థానంలో కచ్చితంగా దీపక్ హుడానే ఆడతాడని తేల్చేసిన డీకే.. అతను ఈ స్థానంలో తీవ్రమైన ఒత్తిడికి గురవుతున్నాడని వివరించాడు. 'ఈ ఒత్తిడి నుంచి హుడా బయటకు రావాలంటే అతనికి మూడో స్థానంలో అవకాశం ఇవ్వాలి. అసలు పూర్తిగా జట్టు నుంచి తొలగించే ముందే ఆ అవకాశం ఇవ్వాలని కోరుకుంటున్నా. ఎందుకంటే అతను మూడో స్థానంలో అద్భుతంగా రాణించాడు. అతనికి ఇలాంటి అవకాశాలు ఇవ్వడం చాలా ముఖ్యం' అని డీకే స్పష్టం చేశాడు.

టాపార్డర్‌లో రాణించాడు..

టాపార్డర్‌లో చక్కగా బ్యాటింగ్ చేసే దీపక్ హుడా.. ఓపెనర్‌గా కూడా రాణించాడు. ఐర్లాండ్‌తో జరిగిన టీ20 సిరీస్‌లో సెంచరీతో ఆకట్టుకున్నాడు. ఆ తర్వాతనే అతనికి జట్టులో మరిన్ని అవకాశాలు ఇస్తున్నారు. గతేడాది టీ20 వరల్డ్ కప్ ముగిసిన తర్వాత నుంచి అతను జట్టులో రెగ్యులర్‌గా మారాడు. కానీ తనకు వచ్చే అవకాశాలకు న్యాయం చేయలేకపోతున్నాడు. శ్రీలంకపై కూడా పెద్దగా రాణించని అతను.. కివీస్‌తో తొలి టీ20లో జట్టును గెలిపించడంలో విఫలమయ్యాడు. ఒకపక్క వాషింగ్టన్ సుందర్ పోరాడుతుంటే.. అతనికి సహకారం ఇవ్వడంలో కూడా విఫలమయ్యాడు.

అతను చేయాల్సింది అదే..

అనవసర షాట్‌కు ప్రయత్నించి వికెట్ పారేసుకున్నాడు. ఈ క్రమంలోనే అతనికి అచ్చొచ్చిన మూడో నెంబర్ స్థానాన్ని అతనికి ఇవ్వాలని డీకే సూచించాడు. 'ఆరో నెంబర్‌లో వచ్చే ఆటగాడు చేయగిగేది ఇంపాక్ట్ క్రియేట్ చేయడం ఒక్కటే. ఆ పనినే నిరంతరం చేస్తూ ఉండాలి. 8 బంతులే ఆడామా? లేక ఆరు బంతులే ఎదుర్కున్నామా? అనేది సమస్యే కాదు. ఇలా బ్యాటింగ్‌కు వచ్చిన ప్రతిసారీ దీపక్ హుడా ఇంపాక్ట్ క్రియేట్ చేయడానికి ప్రయత్నించాలి. అదే అతని లక్ష్యం కావాలి. ఆట తీరును మార్చే ఇన్నింగ్స్ ఆడాలి. అదే ఒక మిడిలార్డర్ బ్యాటర్ చేయగలిగే పని' అని వివరించాడు.