సచిన్ క్రికెట్‌కు 'దేవుడైతే', ధోని 'కింగ్ ఆఫ్ క్రికెట్': పుస్తకం రాయనున్న స్పిన్నర్

ఈ పుస్తకంలో ఎక్కువగా ధోని ప్రస్తావనే

ఈ పుస్తకంలో ఎక్కువ భాగంగా టీమిండియా మాజీ కెప్టెన్ ధోని ప్రస్థావనే ఉంటుందని చెప్పాడు. "జీవితం అనేది ఫెయిర్ టేల్ కాబట్టి నా గ్రాండ్ సన్‌కు ఈ పుస్తకం చదివి వినిపిస్తా. ఈ పుస్తకంలో ధోని జీవిత విశేషాలు అద్భుతమైనవిగా ఉండబోతున్నాయి. వాటిని పుస్తక రూపంలోకి తెచ్చి.. భవిష్యత్‌ తరాలకు అందిస్తా" అని ఇహ్సన్ ఖాన్ చెప్పాడు.

హాంకాంగ్ డ్రెస్సింగ్‌ రూమ్‌కి వెళ్లి సందడి

కాగా, ఆసియా కప్‌లో భాగంగా హాంకాంగ్‌పై టీమిండియా 26 పరుగుల తేడాతో విజయం సాధించింది. ఈ మ్యాచ్ అనంతరం టీమిండియా ఆటగాళ్లు హాంకాంగ్ డ్రెస్సింగ్‌ రూమ్‌కి వెళ్లి సందడి చేశారు. ఈ సందర్భంగా ఇహ్సన్ ఖాన్ మాత్రం మోడ్రన్‌ క్రికెట్‌లో తన అభిమాన ఆటగాడు ధోనితో ముచ్చటించాడు. ధోని, రోహిత్‌లను ఔట్ చేసిన ఇహ్సన్ ఖాన్ ఓ స్కూల్‌ టీచర్‌ కావడం విశేషం.

65 పరుగులిచ్చి 2 కీలక వికెట్లు తీసిన ఇహ్సన్ ఖాన్

ఈ మ్యాచ్‌లో 10 ఓవర్లు వేసిన ఇహ్సన్ ఖాన్ 65 పరుగులిచ్చి 2 కీలక వికెట్లను పడగొట్టాడు. "ధోని అద్భుతమైన ఆటగాడు, క్రీడా విలువలు పాటించే ఆటగాడు. ధోనికి బౌలింగ్ వేశాక నాకు బంతి బ్యాట్‌కు తగిలిన శబ్దం రాలేదు. కానీ, కీపర్‌ అప్పీల్‌ చేస్తే నేను కూడా అరిచా. అంపైర్‌ కూడా ఆలోచనలో ఉండగానే.. ధోని పెవిలియన్‌ బాట పట్టాడు. ధోని వెనుదిరిగాక నీకు ఎలాంటి శబ్దమైనా వినిపించిందా అని అంపైర్‌ నన్ను అడిగాడు" అని చెప్పాడు.

స్కూల్‌ పిల్లల ముందు నేను గర్వంగా నిలుచుంటా

"ధోని నాకేం తెలియదని అంపైర్‌ నిర్ణయం కోసం ఎదురు చూసుంటే నాటౌట్‌గా ప్రకటించేవాడే. నిజాయితీగా ఆడే ధోని అంపైర్‌ తన నిర్ణయం ప్రకటించక ముందే వెనుదిరిగాడు. ఇది అసలైన క్రీడా స్పూర్తి. భారత డ్రెస్సింగ్‌ రూమ్‌లో ధోని నాకు ఎన్నో సలహాలు, సూచనలు చేశాడు. అవి తనకెంతో ఉపయోగడతాయి. స్కూల్‌ పిల్లల ముందు నేను గర్వంగా నిలుచుంటా. ఆసియా కప్‌లో జరిగిన ఎన్నో విషయాలు నా స్టూడెంట్స్‌తో షేర్‌ చేసుకుంటా" అని అన్నాడు.