ఉమేష్ యాదవ్కి క్యాచ్ ఇచ్చిన రాయ్:
బౌలింగ్కు దిగిన తొలి ఓవర్ రెండో బంతికే దూకుడు మీదున్న జాసన్ రాయ్ (35 బంతుల్లో 38)ను ఈ మణికట్టు స్పిన్నర్ బోల్తా కొట్టించాడు. కుల్దీప్ విసిరిన తొలి బంతిని స్వీప్ షాట్ ఆడి రెండు పరుగులు తీసిన రాయ్.. రెండో బంతిని కూడా స్వీప్ షాట్ ఆడేందుకు యత్నించాడు. రాయ్ స్వీప్ షాట్లు ఆడటాన్ని గమనించిన కోహ్లి లెగ్ స్లిప్లో ఫీల్డర్ను ఉంచాడు. దీంతో రివర్స్ స్వీప్ షాట్ ఆడేందుకు యత్నించిన రాయ్.. కోహ్లి-కుల్దీప్ ఉచ్చులో చిక్కాడు. ఉమేష్ యాదవ్కి క్యాచ్ ఇచ్చి వెనుదిరిగాడు.
ధోనీ సాయంతో.. రూట్ (3)ను ఎల్బీగా:.
13 ఓవర్లో తొలి బంతికే కుల్దీప్.. రూట్ (3)ను ఎల్బీగా పెవిలియన్ చేర్చాడు. అదే ఓవర్ ఐదో బంతికి బెయిర్స్టోను కూడా ఎల్బీగా అవుట్ చేశాడు. ముందుగా అంపైర్ నాటౌట్ ఇవ్వగా.. ధోనీ సూచనతో రివ్యూ కోరిన కోహ్లి విజయం సాధించాడు. దూకుడుగా ఆడుతున్న బెయిర్స్టో (38) అవుటవడంతో ఇంగ్లాండ్ 9 పరుగుల తేడాలో మూడు వికెట్లు కోల్పోయింది.
11 బంతుల వ్యవధిలో 3 వికెట్లు తీసి
ఇలా తొలి వన్డేలోనూ తన మ్యాజిక్ను ప్రదర్శించి కుల్దీప్ అందరి ప్రశంసలు అందుకుంటున్నాడు. పది ఓవర్లలో వికెట్ నష్టపోకుండా 71 పరుగులు చేసిన ఇంగ్లాండ్ను కుల్దీప్ దెబ్బతీశాడు. 11 బంతుల వ్యవధిలో మూడు వికెట్లు తీసి ఆతిథ్య జట్టును ఒత్తిడిలోకి నెట్టాడు.
ఇంగ్లాండ్ మాజీ ఆటగాడు మైకెల్ వాన్
బ్యాటింగ్కు స్వర్గధామం లాంటి పిచ్ మీద 11 బంతుల్లో మూడు వికెట్లు తీసిన కుల్దీప్ యాదవ్పై ఇంగ్లాండ్ మాజీ ఆటగాడు మైకెల్ వాన్ ప్రశంసలు కురిపించాడు. కుల్దీప్ను తప్పకుండా ఇంగ్లాండ్తో టెస్టుల్లో ఆడించాలని సూచించాడు.