కేకేఆర్ కోచ్గా..
భారత క్రికెట్ జట్టుకు బౌలింగ్ కోచ్గా చేస్తారా? అని ఓ అభిమాని అక్తర్ను ప్రశ్నించగా.. చాన్స్ ఇస్తే ఖచ్చితంగా చేస్తానని అక్తర్ సమాధానమిచ్చాడు. ‘టాలెంట్ పంచడమే నా పని. ఇప్పుడున్న బౌలర్ల కన్నా మరింత దూకుడు, వేగం ఉన్న బౌలర్లను సిద్దం చేస్తా. అంతేకాదు తనకు అవకాశం వస్తే 'కోల్కతా నైట్ రైడర్స్ కోచ్' గా చేయాలనుకుంటున్నా.'అని ఈ ఫాస్టెస్ట్ బౌలర్ చెప్పుకొచ్చాడు. ఇండియన్ ప్రీమియర్ లీగ్ (ఐపీఎల్) ప్రారంభ సీజన్ లో అక్తర్ కోల్కతా నైట్రైడర్స్ తరపున బరిలోకి దిగిన విషయం తెలిసిందే.
నా బయోపిక్లో అతనే హీరో..
ఒకవేళ తనపై బయోపిక్ రూపొందితే.. అందులో ప్రధాన పాత్రలో ఎవరు నటించాలని ఓ అభిమాని అక్తర్ను ప్రశ్నించాడు. దీనికి ఈ రావల్పిండి ఎక్స్ప్రెస్ ఆసక్తికర సమాధానమిచ్చాడు. బాలీవుడ్ సూపర్ స్టార్ సల్మాన్ ఖాన్ తన బయోపిక్లో హీరోగా నటించాలని కోరుకుంటున్నట్లు తెలిపాడు.
భజ్జీ, యూవీ నా బెస్ట్ ఫ్రెండ్స్..
భారత్-పాక్ ధ్వైపాక్షిక సిరీస్ల కారణంగా ఇరు జట్ల ఆటగాళ్ల మధ్య స్నేహం ఏర్పడిందని అక్తర్ తెలిపాడు. భారత జట్టులో సీనియర్ స్పిన్నర్ హర్భజన్ సింగ్, మాజీ ఆల్రౌండర్ యువరాజ్ సింగ్ తనకు మంచి స్నేహితులని చెప్పుకొచ్చాడు. ఇక సచిన్ టెండూల్కర్ కన్నా టీమిండియా వాల్ రాహుల్ ద్రవిడ్కు బౌలింగ్ చేయడం చాలా కష్టమన్నాడు. పాకిస్థాన్ తరఫున అన్ని ఫార్మాట్లలో కలిపి 224 మ్యాచ్లు ఆడిన అక్తర్ 444 వికెట్ల పడగొట్టాడు. ఇక ప్రపంచంలో అత్యంత వేగవంతమైన బౌలర్గా గుర్తింపు పొందాడు. 2003 ప్రపంచకప్లో సౌతాఫ్రికాతో జరిగిన మ్యాచ్లో అత్యంత వేగవంతమైన బాల్ వేసిన రికార్డు అక్తర్ పేరిట ఉంది.