కఠిన పరిస్థితులను ఎదుర్కోవడంలో..
ఈ సందర్భంగా అధికారిక బ్రాడ్కాస్టర్కు ఇచ్చిన ఇంటర్వ్యూలో కష్టకాలంలో చెన్నై ఫ్రాంచైజీ తనకు అండగా నిలిచిందని చెప్పుకొచ్చాడు.‘ప్రతీ విషయంలో సీఎస్కే నాకు అండగా నిలిచింది. నేను మెరుగయ్యేందుకు తోడ్పడింది. ముఖ్యంగా కష్టకాలంలో సీఎస్కే మేలు మరిచిపోలేనిది. క్రికెటర్గా.. ఓ వ్యక్తిగా కఠిన పరిస్థితులను ఎదుర్కోవడంలో ఎంతో సహాయం చేసింది.'అని ధోనీ చెప్పుకొచ్చాడు.
భారత్కు వచ్చినప్పుడు.. తానేంటో చూపిస్తానన్న కోహ్లీని చూస్తే నవ్వొస్తుంది : ఆసీస్ పేసర్
వారి పిలుపు చెబుతోంది..
ఇక చెన్నై ఫ్యాన్స్ ధోనిని ‘తాళ'అని పిలుస్తుంటారు. తాళ అంటే సోదరుడని అర్ధం. అభిమానులకు తనపై ఉన్న ప్రేమ అదని మహీ చెప్పుకొచ్చాడు. తాళ అని పిలిచారంటే వారు కచ్చితంగా చెన్నై అభిమానేనన్నాడు. ‘నేను చెన్నై లేక సౌతిండియాకు వచ్చినప్పుడు ఏ అభిమాని నా పేరుతో పిలువడు. ప్రతి ఒక్కరు తాళ అంటూ పిలుస్తారు. అది నాపై వారికున్న ప్రేమ. గౌరవం. అలాగే వారు పక్కా చెన్నై అభిమానని అర్థం'అని ధోనీ తెలిపాడు.
ప్రారంభం నుంచి చెన్నై..
ఇక ఐపీఎల్ ప్రారంభం ఎడిషన్ 2008 నుంచి ధోనీ చెన్నై జట్టుకే ఆడుతున్నారు. ఇక ఆ జట్టు సస్పెన్షన్కు గురైనప్పుడు మాత్రం 2016,2017లో రైజింగ్ పుణె తరఫున బరిలోకి దిగాడు. అనంతరం 2018 రీ ఎంట్రీలో జట్టుకు టైటిల్ అందించాడు. గత సీజన్లో కూడా ఫైనల్కు చేరిన చెన్నై.. ముంబై చేతిలో ఒక్క పరుగుతో ఓటమిపాలైంది. మొత్తం 190 ఐపీఎల్ మ్యాచ్లు ఆడిన ధోనీ 42.20 సగటుతో 4432 పరుగులు చేశాడు. ఇందులో 23 హాఫ్ సెంచరీలున్నాయి.