నిషేధ సమయంలో ధోని సీఎస్‌కేను ఎలా గట్టెక్కించాడంటే!: ఐఐటీ మద్రాసు విద్యార్థులతో శ్రీనివాసన్

ఏ రంగంలోనైనా సంక్షోభం తలెత్తొచ్చు

"కానీ ధోనీ, చెన్నై సూపర్‌కింగ్స్‌ దానిని అకుంఠిత దీక్ష, మొక్కవోని పట్టుదల, పక్కా ప్రణాళికతో అధిగమించింది. వ్యక్తులు, కార్పొరేట్‌, రాజకీయాలు, పార్టీలు, ఏ రంగంలోనైనా సంక్షోభం తలెత్తొచ్చు. దానిని సవాల్‌గా స్వీకరించి ముందుకు నడవాలి. ఒక్క చెడు నిర్ణయం మన ప్రగతిని 20 ఏళ్ల వెనక్కి నెట్టగలదు" అని శ్రీనివాసన్ అన్నారు.

సంక్షోభాలను ముందుగానే పసిగట్టాలి

"సాంకేతికత వేగంగా అభివృద్ధి చెందుతున్న ఈ యుగంలో వ్యక్తులు సంక్షోభాలను ముందుగానే పసిగట్టి ముందుకు సాగాలి" అని శ్రీనివాసన్ ఐఐటీ మద్రాస్ విద్యార్థులతో అన్నారు. మ్యాచ్‌ ఫిక్సింగ్‌, అవినీతి ఆరోపణలతో చెన్నై సూపర్‌కింగ్స్‌, రాజస్థాన్‌ రాయల్స్‌ను 2016లో రెండేళ్ల పాటు నిషేధం విధించిన సంగతి తెలిసిందే.

‘Any changes in CSK team?': నెటిజన్లను ఆకట్టుకుంటోన్న సీఎస్‌కే ఫ్రాంచైజీ సమాధానం

2018లో టైటిల్ విజేతగా

అయితే, తన పునరాగమనాన్ని 2018లో ఐపీఎల్‌ టైటిల్‌ గెలిచిన ఘనంగా పలికిన చెన్నై సూపర్ కింగ్స్... గత సీజన్‌లో ముంబై ఇండియన్స్‌తో జరిగిన పైనల్లో ఒక్క పరుగు తేడాతో ఓడిపోయి రన్నరప్‌గా నిలిచింది. ఐపీఎల్లో అత్యంత విజయవంతమైన జట్లలో చెన్నై సూపర్‌ కింగ్స్‌ ఒకటి. ధోని నాయకత్వంలో చెన్నై సూపర్ కింగ్స్ ఇప్పటికే మూడు సార్లు టైటిల్ విజేతగా నిలిచింది.