IPL 2021: చెన్నై సూపర్ కింగ్స్ నుంచి ఆ వెటరన్ స్పిన్నర్ ఔట్

#IPL2021 : Harbhajan Singh's Contract With CSK Ends | Oneindia Telugu

న్యూఢిల్లీ: ఇండియన్ ప్రీమియర్ లీగ్(ఐపీఎల్)లో చెన్నై సూపర్ కింగ్స్‌ ఫ్రాంచైజీతో తనకు ఉన్న రెండేళ్లు అనుబంధం ముగిసిందని టీమిండియా వెటరన్ స్పిన్నర్ హర్భజన్ సింగ్ తెలిపాడు. ట్విటర్ వేదికగా ఈ విషయాన్ని అభిమానులతో పంచుకున్నాడు.

'ఐపీఎల్‌లో చెన్నై సూపర్ కింగ్స్‌తో ఉన్న నా ఒప్పందం గడువు ముగిసింది. ఈ జట్టు తరఫున ఆడటం ఓ గొప్ప అనుభవం. ఈ ఫ్రాంచైజీతో సాగిన ప్రయాణంలో ఎన్నో మధురమైన జ్ఞాపకాలు ఉన్నాయి. గొప్ప స్నేహితులు దొరికారు. దేన్ని ఎప్పటికీ మరిచిపోను. చెన్నై జట్టు మేనేజ్​మెంట్​, స్టాఫ్​, అభిమానులందరికీ నా ధన్యావాదాలు.'అని భజ్జీ ట్వీట్ చేశాడు.

మహేంద్ర సింగ్ ధోనీ నేతృత్వంలోని చెన్నై సూపర్ కింగ్స్ 2018 వేలంలో హర్భజన్‌ను రూ. 2 కోట్లకు కొనుగోలు చేసింది. రెండేళ్ల పాటు ఆడిన భజ్జీ.. గతేడాది వ్యక్తిగత కారణాలతో బరిలోకి దిగలేదు. ఇక అద్భుత ఐపీఎల్ కెరీర్ కలిగిన భజ్జీ.. 160 మ్యాచ్‌ల్లో 26.44 సగటుతో 150 వికెట్లు పడగొట్టాడు. అతని అత్యుత్తమ బౌలింగ్ 5/18.

గత సీజన్‌లో తీవ్రంగా నిరాశపరిచిన చెన్నై.. ఐపీఎల్ 2021 సీజన్ మినీ వేలం కోసం సిద్ధమవుతోంది. ఈ క్రమంలోనే హర్భజన్ సింగ్‌ను వదులుకుంది. మరో 10 ఏళ్లు జట్టును నడిపించే ఆటగాళ్లు తీసుకోవడానికి సమయాత్తం అవుతుంది. ఇందులో భాగంగానే జట్టుకు కుదిబండగా మారిన సీనియర్ ఆటగాళ్లను తీసేయాడానికి కూడా వెనుకాడటం లేదు.

For Quick Alerts
ALLOW NOTIFICATIONS
For Daily Alerts
 
Story first published: Wednesday, January 20, 2021, 13:44 [IST]
Other articles published on Jan 20, 2021
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X