Click it and Unblock the Notifications
ఆ హక్కు అనుష్కకు ఉంది..
తాజాగా టైమ్స్ ఇండియాకు ఇచ్చిన ఇంటర్వ్యూలో రవిశాస్త్రి ముందు ఈ విషయాన్ని ప్రస్తావించగా.. సునీల్ గవాస్కర్ చేసిన వ్యాఖ్యలు సరైనవేనా? లేదా? అని తాను చెప్పలేనని, ఆ చర్చ జోలికి కూడా పోనన్నాడు. అయితే అనుష్క శర్మ బాధపడితే స్పందించే హక్కు ఆమెకు ఉందని స్పష్టం చేశాడు. ‘గవాస్కర్ వ్యాఖ్యలకు అనుష్క హర్ట్ అయితే ఆ బాధను వ్యక్తపరిచే హక్కు ఆమెకు ఉంది. అయితే ఇక్కడ గవాస్కర్ చేసిన కామెంట్స్ సరైనవా? కాదా? అని మాత్రం నేను చెప్పలేను. ఆ చర్చ జోలికి కూడా పోను'అని పేర్కొన్నాడు.
అనుష్క బంతులతో..
ఐపీఎల్ తొలి అంచె‌లో కింగ్స్ ఎలెవన్ పంజాబ్‌తో జరిగిన మ్యాచ్‌లో సునీల్ గవాస్కర్ చేసిన వ్యాఖ్యలను కొంత మంది ఆకతాయిలు వక్రీకరించారు. సరైన ప్రాక్టీస్ లేని కారణంగానే కోహ్లీ విఫలమవుతున్నాడని, లాక్‌డౌన్ కారణంగా విరాట్.. అనుష్క బౌలింగ్‌ను మాత్రమే ఎదుర్కొన్నాడని గవాస్కర్ తెలిపాడు. లాక్‌డౌన్‌లో ఈ జోడీ ప్రాక్టీస్‌కు సంబంధించిన ఓ టెర్రస్ వీడియో నెట్టింట హల్‌చల్ చేసింది. ఈ వీడియోలో అనుష్క బౌలింగ్ చేయగా.. కోహ్లీ బ్యాటింగ్ ప్రాక్టీస్ చేశాడు. అయితే ఈ వీడియోను ఉద్దేశించే గవాస్కర్ ఈ వ్యాఖ్యలు చేశాడు. కానీ ఆకతాయిలు.. అనుష్క బౌలింగ్‌కు బదులు అనుష్క బంతులతో ప్రాక్టీస్ చేశాడని డబుల్ మీనింగ్ వచ్చేలా రాసుకొచ్చారు. దాంతో తీవ్ర దుమారం రేగింది.
మిస్టర్ సునీల్ గవాస్కర్..
అభిమానుల అర్ధం పర్ధంలేని ట్రోలింగ్‌ను సీరియస్‌గా తీసుకున్న అనుష్క ముందు వెనుకా ఆలోచించకుండా గవాస్కర్‌పై ఆగ్రహం వ్యక్తం చేసింది. ‘మిస్టర్ సునీల్ గవాస్కర్ మీ వ్యాఖ్యలు చాలా అసహ్యకరంగా ఉన్నాయి. భర్త గేమ్‌ను నిందించడానికి భార్యను లాగుతూ.. డబుల్ మీనింగ్ వాఖ్యలు ఎందుకు చేస్తారు? 2020 వచ్చినా.. పరిస్థితుల్లో ఎలాంటి మార్పు రాలేదు. ఇప్పటికీ నన్ను క్రికెట్‌లోకి లాగుతూ అసభ్యకరమైన వ్యాఖ్యలు చేస్తూనే ఉన్నారు. ఇలాంటి కామెంట్స్ ఎప్పుడు ఆగుతాయో? 'అని ఇన్‌స్టా వేదికగా ఈ బాలీవుడ్ బ్యూటీ ఆగ్రహం వ్యక్తం చేసింది.
ఎక్కడా తప్పుగా మాట్లాడా..?
విరాట్ కోహ్లీని తాను విమర్శించలేదని, అతని సతీమణి అనుష్క శర్మ పట్ల అసహ్యకర వ్యాఖ్యలు చేయలేదని అప్పట్లో సునీల్ గవాస్కర్ కూడా వివరణ ఇచ్చుకున్నాడు. ‘ఎక్కడ ఆమెను నిందించా.. ఇందులో ఎక్కడ సెక్సిస్ట్ వ్యాఖ్యలు ఉన్నాయి. కోహ్లీ పక్కింటి వారు తీసిన వీడియో గురించి మాత్రమే మాట్లాడాను. లాక్‌డౌన్‌లో విరాట్‌కు ప్రాక్టీస్ లేదు. అతని ఇంటి కంపౌండ్‌లో అనుష్కశర్మతో కలిసి ప్రాక్టీస్ చేశాడు. ఆమె బౌలింగ్‌ను మాత్రమే ఎదుర్కొన్నాడు. ఆ వీడియోలో ఉన్నది అదే. నేను దాని గురించే మాట్లాడాను. విరాట్ వైఫల్యాలను నేను ఎక్కడా విమర్శించలేదు. ఆ వీడియోలో విరాట్‌కు అనుష్క బౌలింగ్ చేసిందని మాత్రమే చెప్పాను'అని గవాస్కర్ చెప్పుకొచ్చాడు.
ఖచ్చితంగా ఇది చివరి మ్యాచ్ కాదు.. వచ్చే సీజన్ ఆడటంపై క్లారిటీ ఇచ్చిన ధోనీ! (వీడియో)
