చాలా కాస్ట్లీ కాఫీ..
ఆ తర్వాత వీరిద్దరు బేషరతుగా క్షమాపణలు చెప్పగా.. బీసీసీఐ నిషేధాన్ని ఎత్తివేసింది. అయితే ఈ ఘటన జరిగి ఏడాదైనందుకు అభిమానులెవరూ వివాదాస్పద ప్రశ్నలు అడగవద్దని దినేశ్ కార్తీక్ అభిమానులను కోరాడు. దీనికి పాండ్యా బదులిస్తూ... ఒకసారి కాఫీ తాగే..భారీ మూల్యం చెల్లించుకున్నానని తెలిపాడు.‘నేను అసలు కాఫీ తాగను, గ్రీన్ టీ తాగుతాను. కానీ, ఒకసారి కాఫీ తాగి.. భారీ మూల్యం చెల్లించుకున్నా. స్టార్బక్స్లో తాగినా.. అంత ఖర్చు అయ్యేది కాదు. అప్పటి నుంచి కాఫీకి దూరంగా ఉంటున్నా'అని హార్థిక్ తెలిపాడు.
బీసీసీఐ తర్వాత అంతలా..
ఇక ఐపీఎల్ వాయిదాపై కృనాల్ పాండ్యా మాట్లాడుతూ.. ఈ క్యాష్ రిచ్ లీగ్ జరుగుతుందని ఆశాభావం వ్యక్తం చేశాడు.దీనికి కార్తీక్ బదులిస్తూ పాండ్రా బ్రదర్స్ను ట్రోల్ చేసే ప్రయత్నం చేశాడు. ‘ఐపీఎల్ జరగకపోతే.. బీసీసీఐ తర్వాత అంతగా నష్టపోయేది పాండ్యా బ్రదర్సేనని, వారు బాధపడినట్లుగా మరేవరు ఉండరు'అని కార్తీక్ వ్యంగ్యాస్త్రాలు సంధించాడు. ఇక కరోనా కారణంగా ఐపీఎల్ 2020 సీజన్ను బీసీసీఐ నిరవధికంగా వాయిదా వేసిన విషయం తెలిసిందే.
మహిళలను కించపరిచే వ్యాఖ్యలు..
‘కాఫీ విత్ కరణ్' షోలో హార్ధిక్ పాండ్యా లవ్స్టోరీ గురించి కరణ్ జోహార్ అడగ్గా.. తాను ఎంత మందితో శృంగారంలో పాల్గొన్నది, పార్టీల్లో అమ్మాయిల్ని తాను చూసే విధానంపై అభ్యంతరకరంగా మాట్లాడాడు. రాహుల్ కూడా తన జేబులో కండోమ్ ప్యాకెట్ గురించి వివరిస్తూ తన తండ్రి ‘ఫర్వాలేదు రక్షణ కవచం వాడుతున్నావు' అంటూ ప్రశంసించాడని వివాదాస్పదరీతిలో చెప్పుకొచ్చాడు. మహిళలను కించపరిచే విధంగా ఉన్న ఈ వ్యాఖ్యల పట్ల అప్పట్లో తీవ్ర దూమారం రేగింది. కుర్రాళ్లకు ఆదర్శంగా ఉండాల్సిన క్రికెటర్లు ఇలా వ్యవహరించడంపై అన్ని వైపుల నుంచి విమర్శలు వచ్చాయి.
ఇటీవల రాహుల్ కూడా..
ఇటీవల రాహుల్ కూడా ఈ వివాదాస్పద షోపై స్పందించాడు. తన 28వ బర్త్డే సందర్భంగా.. సహచర ఆటగాడు మయాంక్ అగర్వాల్తో కలిసి ఇన్స్టాగ్రామ్ లైవ్ సెషన్లో పాల్గొన్నాడు. ఈ లైవ్ సెషన్లో మయాంక్ అడిగిన పలు ప్రశ్నలకు రాహుల్ ఆసక్తికర సమాధానాలు ఇచ్చాడు. ముఖ్యంగా తన కెరీర్లోనే ఓ మాయని మచ్చగా మిగిలిపోయిన కాఫీ విత్ కరణ్ షో వివాదాన్ని గుర్తు చేసుకోని నవ్వులు పూయించాడు.
లైవ్ సెషన్లో భాగంగా మయాంక్.. ఇప్పుడు ర్యాపిడ్ ఫైర్ రౌండ్ అని రాహుల్కు తెలియజేశాడు. దీనికి రాహుల్..‘ఈ ర్యాపిడ్ ఫైర్ ఎప్పుడూ నా కొంప ముంచుతందని నీకు తెలుసు. ఈ రౌండ్ వల్ల నేను చాలా నష్టపోయాను'అని కాఫీ విత్ కరణ్ షో గుర్తు చేసుకొని ఫన్నీగా బదులిచ్చాడు. ఈ సమాధానం విన్న మయాంక్ పడిపడి నవ్వుకున్నాడు.