'ఇప్పుడు కోహ్లీనే గొప్ప బ్యాట్స్‌మన్‌.. మరో ఐదేళ్లలో బాబర్'

Younis Khan says Babar Azam Will Match Up To Virat Kohli Within 5 Years Time

ఇస్లామాబాద్‌: టీమిండియా కెప్టెన్ విరాట్ కోహ్లీతో పాకిస్థాన్ పరిమిత ఓవర్ల సారథి బాబర్ అజామ్‌ని కొందరు పాక్ క్రికెట్ మాజీలు, అభిమానులు పోల్చుకుంటున్న విషయం తెలిసిందే. కోహ్లీని అజామ్ పరుగుల్లో అధిగమించగలడని ఆ దేశ మాజీ క్రికెటర్, కామెంటేటర్ రమీజ్ రాజా ఇప్పటికే జోస్యం చెప్పాడు. కోహ్లీని అధిగమించే అన్ని లక్షణాలు ఉన్నాయి, అంతేకాదు కోహ్లీ కంటే గొప్ప ఆటగాడిగా అయ్యే సామర్థ్యం అజామ్‌లో ఉందన్నాడు. అయితే బాబర్‌ అజామ్‌.. విరాట్‌ కోహ్లీలా అత్యుత్తమ ఆటగాడయ్యే సామర్థ్యం ఉందని పాక్ మాజీ కెప్టెన్, బ్యాటింగ్‌ కోచ్‌ యూనిస్‌ ఖాన్‌ అన్నాడు.

 మరో ‌ఐదేళ్లలో ఆ స్థాయిలో ఉంటాడు:

మరో ‌ఐదేళ్లలో ఆ స్థాయిలో ఉంటాడు:

ప్రస్తుత క్రికెట్‌లో విరాట్ కోహ్లీనే అత్యుత్తమమని, అయిదేళ్లలో బాబర్‌ అజామ్‌ రాణించే అవకాశం ఉందని యూనిస్‌ ఖాన్ పేర్కొన్నాడు. 'నాకు పోలికలు నచ్చవు. కోహ్లీ ఇప్పుడు అగ్రగామిగా కొనసాగుతున్నాడు. ఈరోజు అతడు టాప్‌ బ్యాట్స్‌మన్‌ అనడంలో ఎలాంటి సందేహం లేదు. ఇప్పటికే అన్ని ఫార్మాట్లలో రాణించాడు. బాబర్‌ కూడా ఇటీవల మూడు ఫార్మాట్లలో మంచి ప్రదర్శన చేశాడు. అయితే అతడిని నేను చూసే కోణం వేరు. ఇప్పుడు కోహ్లీ ఎక్కడైతే ఉన్నాడో, ఇప్పటివరకు కోహ్లీ ఏం సాధించాడో.. బాబర్‌ ఐదేళ్లలో ఆ స్థాయిలో ఉంటాడు' అని యూనిస్‌ ఆశాభావం వ్యక్తం చేశాడు.

దిగ్గజ ఆటగాడిగా మారే అవకాశం ఉంది:

దిగ్గజ ఆటగాడిగా మారే అవకాశం ఉంది:

'కోహ్లీ, బాబర్ ఒకరితో మరొకరిని ఇప్పుడు పోల్చడం సరికాదు. మరో నాలుగైదేళ్ల తర్వాత పోల్చి చూస్తే బాగుంటుంది. 25 ఏళ్ల బాబర్‌ ఇప్పటికే తన వయసుకు మించి సాధించాడు. అయితే బాబర్‌పై భారీ అంచనాలు పెట్టుకోవాల్సిన అవసరం లేదు. అతడికి సమయం ఇస్తే.. సచిన్‌ టెండూల్కర్, జావెద్‌ మియాందాద్‌లా దిగ్గజ ఆటగాడిగా మారే అవకాశం ఉంది. బాబర్‌ మరిన్ని రికార్డులు బద్దలుకొడితే చూడాలని ఉంది, నా రికార్డులను కూడా అధిగమించాలి' అని పాక్‌ కోచ్‌ కోరుకున్నాడు. పాక్‌ తరుపున టెస్టుల్లో పదివేల పరుగులు పూర్తి చేసిన ఏకైక బ్యాట్స్‌మన్‌గా యూనిస్‌ నిలిచిని విషయం తెలిసిందే. ఇంగ్లండ్‌ పర్యటన నేపథ్యంలో పాక్ బ్యాటింగ్‌ కోచ్‌గా యూనిస్‌ను పాకిస్తాన్‌ క్రికెట్‌ బోర్డు (పీసీబీ) నియమించింది.

16 సెంచరీలు:

16 సెంచరీలు:

2015లో పాకిస్థాన్ జట్టులోకి వచ్చిన బాబర్ అజామ్ ఇప్పటి వరకూ 26 టెస్టులాడి 45.12 సగటుతో 1,850 పరుగులు చేశాడు. ఇందులో 5 సెంచరీలు, 13 అర్ధ సెంచరీలు ఉన్నాయి. 74 వన్డేల్లో 54.18 సగటుతో 3,359 పరుగులు చేసాడు. వన్డేల్లో 11 శతకాలు, 15 అర్ధ శతకాలు సాధించాడు. ఇక 38 టీ20లు ఆడి 50.72 సగటుతో 1,471 పరుగులు చేశాడు. ప్రస్తుతం బాబర్ అజామ్ వయసు 25 ఏళ్లు కాగా.. ఈ వయసులో కోహ్లీ గణాంకాలు ఇలా లేవు.

 70 సెంచరీలు:

70 సెంచరీలు:

2008లో అంతర్జాతీయ క్రికెట్‌లోకి వచ్చిన విరాట్ కోహ్లీ ఇప్పటి వరకూ 86 టెస్టులాడి 53.63 సగటుతో 7,240 పరుగులు చేశాడు. ఇందులో 27 సెంచరీలు, 7 డబుల్ సెంచరీలు, 22 హాఫ్ సెంచరీలు ఉన్నాయి. 248 వన్డేల్లో 59.34 సగటుతో 11,867 పరుగులు చేసాడు. ఇందులో 43 సెంచరీలు, 58 అర్ధ శతకాలు ఉన్నాయి. ఇక 81 టీ20లలో 50.8 సగటుతో 2,794 పరుగులు చేశాడు. మొత్తంగా అంతర్జాతీయ క్రికెట్‌లో 70 సెంచరీలు చేసిన కోహ్లీ.. 21,901 పరుగులు చేశాడు.

గంగూలీ ఓ పిరికివాడు.. నా బౌలింగ్‌ను ఎదుర్కొవడానికి భయపడతాడు..: అక్తర్‌

For Quick Alerts
ALLOW NOTIFICATIONS
For Daily Alerts
Story first published: Thursday, June 11, 2020, 16:56 [IST]
Other articles published on Jun 11, 2020
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more