హైదరాబాద్: ఐసీసీ గల్లీ క్రికెట్ విషయంపై తీర్పు చెప్పింది. అవుటా.. కాదా అనే నిర్ణయంపై థర్డ్ అంపైర్గా వ్యవహరించింది. సాధారణంగా భారత్లో, పాకిస్థాన్లో క్రికెట్పై ఆసక్తి ఎక్కువ. ఈ నేపథ్యంలో ఖాళీ దొరికితే చాలు. బ్యాట్ పట్టుకుని సిద్ధమైపోతారు. ఇలా గల్లీ క్రికెట్ ఆడి అవుట్ అయిన ఓ క్రికెటర్పై సందేహం వ్యక్తం చేస్తూ అడిగిన ప్రశ్నకు ఐసీసీ బదులిచ్చింది.
తొలిసారి ఈ గల్లీ క్రికెట్ పంచాయతీలో మూడో అంపైర్గా వ్యవహరించింది ఇంటర్నేషనల్ క్రికెట్ కౌన్సిల్ (ఐసీసీ). పాకిస్థాన్లో జరిగిన ఈ గల్లీ మ్యాచ్లో ఓ బ్యాట్స్మన్ బలంగా కొట్టిన బంతి.. ఈదురు గాలుల కారణంగా తిరిగి వచ్చి వికెట్లను తాకింది. ఇది ఔటా.. కాదా.. అనే వివాదం తలెత్తింది. హమ్జా అనే ఓ వ్యక్తి సరదాగా ఈ వీడియోను ఐసీసీకి ట్వీట్ చేసి.. న్యాయం కావాలని అడిగాడు.
A fan named Hamza sent this video to us this morning asking for a ruling.
— ICC (@ICC) May 22, 2018
Unfortunately for the (very unlucky) batsman, law 32.1 confirms... Out! ☝ pic.twitter.com/y3Esgtz48x
ఆశ్చర్యకరంగా ఐసీసీ కూడా ఈ ట్వీట్పై స్పందించింది. ఆ ప్రశ్నకు బదులుగా క్రికెట్ లా 32.1 ప్రకారం ఆ బ్యాట్స్మన్ ఔట్ అని తీర్పు చెప్పింది. ఈ వీడియో ఇప్పుడు విపరీతంగా వైరల్ అవుతుంది. బ్యాట్స్మన్ ఔటైన తీరు నవ్వు తెప్పించడంతోపాటు కొందరు నెటిజన్లు అతను ఔటైన విధానం చూసి సానుభూతి చూపిస్తున్నారు.
దాంతో పాటుగా ఇలా ఓ సాధారణ అభిమాని అడిగిన ప్రశ్నకు బదులివ్వడంతో ఐసీసీపై పొగడ్తలు కురిపిస్తున్నారు. ఇలా నియమాలతో కలిపి వివరణాత్మకంగా ఇచ్చిన సమధానంతో అవుట్ అయిన వ్యక్తికి ఓ అభిప్రాయం వచ్చుండాలి.