మంచి ఆలోచన: No.4లో కోహ్లీ, శాస్త్రికే ఓటేసిన ఎమ్మెస్కే ప్రసాద్

ఎమ్మెస్కే ప్రసాద్ మాట్లాడుతూ

సోమవారం హాట్‌స్టార్‌కు ఇచ్చిన ఇంటర్యూలో ఎమ్మెస్కే ప్రసాద్ మాట్లాడుతూ "నా అభిప్రాయం వరకు ఇది చాలా మంచి ఆలోచన. కోహ్లి నంబర్ 4లోనూ బ్యాటింగ్ చేయగలడు. కొన్ని రోజులుగా ఇదే జరుగుతున్నది. కానీ మరోసారి దీనిపై ఆలోచించాలి. టోర్నీ మొత్తం కాదు.. కొన్ని మ్యాచ్‌ల్లో మాత్రమే ఈ ప్రయోగం చేస్తాం" అని అన్నాడు.

నంబర్ 3లో కోహ్లి అద్భుతంగా రాణించాడు

"ఎందుకంటే? నంబర్ 3లో కోహ్లి అద్భుతంగా రాణించాడు. ప్రస్తుతం అతను వరల్డ్ నంబర్ వన్ బ్యాట్స్‌మన్. అయితే టీమ్‌కు అవసరమైతే కోహ్లి నంబర్ 4లోనూ బ్యాటింగ్ చేయగలడు. టీమ్ అవసరలేంటో చూడాలి. ఆ తర్వాతే అతని బ్యాటింగ్ స్థానంపై తుది నిర్ణయం తీసుకుంటాం" అని ఎమ్మెస్కే ప్రసాద్ వెల్లడించాడు.

మూడో స్థానంలో దిగి 32 సెంచరీలు బాదిన కోహ్లీ

కాగా, వన్డేల్లో సుదీర్ఘకాలంగా బ్యాటింగ్ ఆర్డర్‌లో మూడో స్థానంలో ఆడుతున్న విరాట్ కోహ్లీ.. ఇప్పటి వరకూ 59.50 సగటుతో 10,533 పరుగులు చేశాడు. అతని కెరీర్‌లో మొత్తం 39 సెంచరీలు ఉండగా.. అందులో ఏకంగా 32 సెంచరీలు నెం.3లో ఆడి చేసినవే కావడం విశేషం. ఇక, నంబర్ 4లోనూ రికార్డు బాగానే ఉంది. 23 ఇన్నింగ్స్‌లో 58 సగటుతో 1744 పరుగులు చేశాడు.