కీపర్‌గా రాహుల్ సరే.. మరి రిషబ్ పంత్ పరిస్థితేంటి?: గంభీర్

కేఎల్ రాహుల్ సూపర్ ప్లేయర్..

‌‘భారత క్రికెట్‌కు దొరికిన సూపర్ ప్లేయర్ కేఎల్ రాహుల్. అతని ఫిట్‌నెస్, నాయకత్వ లక్షణాలు, బ్యాటింగ్ శైలి రాహుల్ ప్రత్యేకతను చాటుతాయి. కార్పొరేట్ పరిభాషలో భారత క్రికెట్‌కు రాహుల్ ఓ అమూల్యమైన ఆస్తి. రిషభ్ పంత్ కంకషన్ బ్రేక్‌తో కీపింగ్ బాధ్యతలను తీసుకున్న రాహుల్ సమర్థవంతంగా నిర్వర్తించాడు. దీంతో అతను అప్‌కమింగ్ లిమిటెడ్ ఓవర్లలో కీపర్‌గా కొనసాగుతాడనే మాటలు వినిపిస్తున్నాయి. అయితే ఈ విషయంలో టీమ్‌మేనేజ్‌మెంట్ ఆచితూచి నిర్ణయం తీసుకుంటుదని భావిస్తున్నా.

వీటిని పరిగణలోకి తీసుకున్నారా?

‘అయితే రాహుల్ కీపర్‌గా కొనసాగించే ముందు డిసిషన్ మేకర్స్ కొన్ని అంశాలను పరిగణలోకి తీసుకున్నారా? లేదా? అన్నది నాకు కావాలి. ఈ విషయం గురించి రాహుల్‌తో చర్చించారా?, అతను మనస్పూర్తిగా ఈ బాధ్యతలను స్వీకరించేందుకు ముందుకు వచ్చాడా? లేక నో అని చెప్పలేక రిస్క్ తీసుకుంటున్నాడా?'అని గంభీర్ తన కాలమ్‌లో టీమ్‌మేనేజ్‌మెంట్‌ను ఉద్దేశించి ప్రశ్నించాడు.

జట్టుకే కష్టం..

‘ఇక రిషబ్ పంత్ పరిస్థితి ఏంటి? టెక్నిక్ విషయంలో ఇబ్బంది పడుతున్న పంత్ ఆత్మవిశ్వాసం ఇప్పటికే సన్నగిల్లింది. అలాంటిది రాహుల్ కీపింగ్ వ్యవహారాన్ని అతను ఎలా స్వీకరిస్తాడో నాకైతే తెలియదు. అతను అసంతృప్తికిలోనైతే జట్టుకే ప్రమాదం. అతని భవిష్యత్తుపై భరోసా కల్పించాల్సిన అవసరం టీమ్‌మేనేజ్‌మెంట్‌కు ఉంది'