ధోనీని అనుకరించబోయి.. ఫెయిలైన పాక్ కెప్టెన్

ధోనీని కాపీ చేసేందుకు యత్నించి..:

పాక్‌ కెప్టెన్‌.. భారత మాజీ కెప్టెన్‌ ధోనీని కాపీ చేసేందుకు ప్రయత్నించి విఫలమయ్యాడని పలువురు అభిమానులు పేర్కొంటున్నారు. ధోనీ 2009లో జోహానెస్‌బర్గ్‌లో వెస్టిండీస్‌తో జరిగిన మ్యాచ్‌లో విజయవంతంగా బౌలింగ్‌ చేసి ఒక వికెట్‌ కూడా తీశాడు. ధోనీలా బౌలింగ్‌ చేశాడు కానీ.. వికెట్‌ తీయలేదని అభిమానులు కామెంట్లు పెడుతున్నారు.

ఫకార్‌ జమాన్‌.. వన్డేల్లో వెయ్యి పరుగులు:

ఈ మ్యాచ్‌లో పాక్‌ బ్యాట్స్‌మన్‌ ఫకార్‌ జమాన్‌.. వన్డేల్లో వేగవంతంగా వెయ్యి పరుగులు పూర్తి చేసి రికార్డు సృష్టించిన విషయం తెలిసిందే. 1000 పరుగులు చేయడానికి ఫఖర్‌ 18 ఇన్నింగ్స్‌లు ఆడాడు. గతంలో ఈ రికార్డు విండీస్‌ దిగ్గజం వివ్‌ రిచర్డ్స్‌ (21 ఇన్నింగ్స్‌లలో) పేరిట ఉంది.

4 వికెట్ల నష్టానికి 364 పరుగుల భారీ స్కోరు:

ఆదివారం ఇక్కడ జరిగిన చివరి వన్డేలో 131 పరుగుల తేడాతో జయభేరి మోగించిన పాక్‌ ఐదు వన్డేల సిరీస్‌ను 5-0తో క్లీన్‌స్వీప్‌ చేసింది. ఇమామ్‌-ఉల్‌-హఖ్‌ (105 బంతుల్లో 110; 8 ఫోర్లు, 1 సిక్స్‌), బాబర్‌ ఆజమ్‌ (76 బంతుల్లో 106 నాటౌట్‌; 9 ఫోర్లు, 2 సిక్స్‌లు) సెంచరీలతో కదంతొక్కడంతో టాస్‌ గెలిచి బ్యాటింగ్‌ ఎంచుకున్న పాక్‌ నిర్ణీత ఓవర్లలో 4 వికెట్ల నష్టానికి 364 పరుగుల భారీ స్కోరు చేసింది.

233 పరుగులకే పరిమితమై ఓటమి పాలైంది:

అనంతరం భారీ లక్ష్య ఛేదనకు బరిలో దిగిన జింబాబ్వే 50 ఓవర్లలో 4 వికెట్లు కోల్పోయి 233 పరుగులకే పరిమితమై ఓటమి పాలైంది. జింబాబ్వే బ్యాట్స్‌మెన్‌కు మంచి ఆరంభాలే లభించినా వాటిని భారీ స్కోర్లుగా మలచడంలో విఫలమయ్యారు. పాక్‌ బౌలర్లలో హసన్‌ అలీ, నవాజ్‌ చెరో రెండు వికెట్లు పడగొట్టారు. బాబర్‌ ఆజమ్‌కు ‘మ్యాన్‌ ఆఫ్‌ ద మ్యాచ్‌', ఫఖర్‌ జమాన్‌కు ‘మ్యాన్‌ ఆఫ్‌ ద సిరీస్‌' అవార్డులు దక్కాయి.