Click it and Unblock the Notifications
భారత దిగ్గజాలకు నోచాన్స్..
తొలి ప్రపంచకప్ విజయంతో భారత్లో క్రికెట్ను మతంలా మార్చిన దిగ్గజ కెప్టెన్ కపిల్దేవ్తో పాటు మూడు ఐసీసీ టైటిళ్లు అందించి.. అత్యుత్తమ సారథిగా యావత్ క్రికెట్ ప్రపంచం మెచ్చిన మహేంద్ర సింగ్ ధోనీకి సచిన్ ఈ జట్టులో చోటివ్వలేదు. అంతేకాదు.. ఈ తరం క్రికెట్లో టన్నులకొద్ది పరుగులతో వరల్డ్ బెస్ట్ బ్యాట్స్మన్గా కీర్తించబడుతున్న విరాట్ కోహ్లీతో పాటు వన్డే క్రికెట్లోనే అసాధ్యమైన డబుల్ సెంచరీని సుసాధ్యం చేసి.. మూడు సార్లు ఈ ఘనతను అందుకున్న రోహిత్ శర్మకూ ఈ జట్టులో చోటివ్వలేదు. తన స్పిన్ బౌలింగ్తో మేటీ బౌలర్గా గుర్తింపు పొందిన అనిల్ కుంబ్లేకు కూడా ఈ జట్టులో చాన్స్ దక్కలేదు.
సునీల్ గవాస్కర్కు చాన్స్..
భారత్ నుంచి నలుగురి ఆటగాళ్లను తీసుకున్న సచిన్.. ఆశ్చర్యకరంగా సునీల్ గవాస్కర్కు అవకాశమిచ్చాడు. అంతేకాకుండా తన పార్టనర్, విధ్వంసకర బ్యాట్స్మన్ వీరేంద్ర సెహ్వాగ్ను ఓపెనర్గా ఎంచుకున్నాడు. భారత క్రికెట్లో విప్లవం తీసుకొచ్చిన దిగ్గజ కెప్టెన్, ప్రస్తుత బీసీసీఐ బాస్ సౌరవ్ గంగూలీని ఎంపిక చేసిన సచిన్.. స్పిన్నర్గా హర్భజన్ సింగ్కు చోటిచ్చాడు. ఇక ఆల్టైమ్ గ్రేటెస్ట్ స్పిన్నర్ ముత్తయ్య మురళీధరణ్ను కూడా లిటిల్ మాస్టర్ విస్మరించాడు.
ఓపెనర్లుగా సెహ్వాగ్, గవాస్కర్
సచిన్ ఆల్టైమ్ బెస్ట్ ఎలెవన్ను పరిశీలిస్తే.. ఓపెనర్లుగా వీరేంద్ర సెహ్వాగ్, సునీల్ గవాస్కర్ను ఎంపిక చేశాడు. ఇక మిడిలార్డర్ బ్యాట్స్మన్గా బ్రియాన్ లారా, వీవీ రిచర్డ్స్, జాక్వస్ కల్లీస్, సౌరవ్ గంగూలీలను ఎంపిక చేశాడు. వికెట్ కీపర్గా ఆల్టైమ్ బెస్ట్ ఆస్ట్రేలియా ప్లేయర్ ఆడమ్ గిల్క్రిస్ట్ను తీసుకున్నాడు. స్పిన్నర్లుగా షేన్ వార్న్, హర్భజన్ సింగ్లను తీసుకున్న సచిన్.. పేసర్లుగా గ్లేన్ మెక్గ్రాత్, వసీం అక్రమ్లకు చోటిచ్చాడు. సచిన్ జట్టులో భారత్ నుంచి నలుగురుండగా.. ఆస్ట్రేలియా ఆటగాళ్లు ముగ్గురు, వెస్టిండీస్ ప్లేయర్లు ఇద్దరు చోటు దక్కించుకున్నాడు. సౌతాఫ్రికా, పాకిస్థాన్ నుంచి ఒక్కో ప్లేయర్కు అవకాశం దక్కింది.
సచిన్ ఆల్టైమ్ బెస్ట్ ఎలెవన్
వీరేంద్ర సెహ్వాగ్, సునీల్ గవాస్కర్, బ్రియాన్ లారా, వీవీ రిచర్డ్స్, జాక్వస్ కల్లీస్, సౌరవ్ గంగూలీ, ఆడమ్ గిల్క్రిస్ట్(కీపర్), షేన్ వార్న్, హర్భజన్ సింగ్, గ్లేన్ మెక్గ్రాత్, వసీం అక్రమ్.
Continue with Google