ఓటమి గుర్తొచ్చి ఉలిక్కిపడుతుంటా..
ఇప్పటికీ తనను, జట్టులోని కొందరు ఆటగాళ్లను ఆ ఓటమి ఓ పీడకలా వెంటాడుతోందని తెలిపాడు. ఒక్కోసారి ఈ పీడకలతో నిద్రలో తాను ఉలిక్కిపడతాన్నాడు. ‘టోర్నీ మొత్తం అద్భుతంగా ఆడామని మాకు తెలుసు. అందుకే ఆ ఓటమిని అసలు జీర్ణం చేసుకోలేకపోతున్నాం' అని వెల్లడించాడు. శనివారం ‘ది మైండ్ బిహైండ్' షోలో చిట్ చాట్ చేసిన రాహుల్ పలు ఆసక్తికర విషయాలు వెల్లడించాడు.
నోట్స్ తయారు చేసుకుంటున్నా..
కోవిడ్-19 కారణంగా అనూహ్యంగా లభించిన ఈ విరామ సమయాన్ని ఆస్వాదిస్తు న్నానని రాహుల్ చెప్పాడు. ‘లాక్డౌన్ను ప్రశాంతంగా గడుపుతున్నా. కాసేపు ఇంటిపనులు చేస్తున్నా. మరికాసేపు పాత ప్రదర్శనల వీడియోలు చూస్తూ నోట్స్ తయారు చేసుకుంటున్నా. వీటి ద్వారా నేను ఇంకా ఏ అంశాల్లో మెరుగవ్వాలో తెలుసుకుంటున్నా' అని రాహుల్ అన్నాడు.
బ్యాట్కు రూ.2.6 లక్షలు..
దేశంలో వెనుకబడిన, దుర్భర జీవితం గడుపుతున్న చిన్నారులకు చేయూతనిచ్చేందుకు రాహుల్.. 2019 వన్డే ప్రపంచకప్లో తాను ఉపయోగించిన బ్యాట్తో పాటు టీ20, టెస్ట్ ఫార్మాట్ జెర్సీలు, ప్యాడ్స్, గ్లౌజులు, హెల్మెట్స్ వేలం వేస్తానని ప్రకటించిన విషయం తెలిసిందే. ఈ ఆక్షన్ ద్వారా లభించిన మొత్తాన్ని అవేర్ ఫౌండేషన్ ద్వారా చిన్న పిల్లల సంరక్షణకు ఖర్చుచేయనున్నారు.
అయితే ఈ వేలంలో రాహుల్ బ్యాట్ రూ.2.64,228 పలకగా.. హెల్మెట్ రూ.1,22.677, ప్యాడ్స్ రూ.33,028, వన్డే జెర్సీ రూ.1,13,240, టీ20 జెర్సీ రూ. 1,04,824, టెస్ట్ జెర్సీ రూ. 1,32,774, గ్లవ్స్ రూ.28,782కు అమ్ముడయ్యాయి. ఇక తన కిట్ ద్వారా రాహుల్ ఓవరాల్గా రూ.7.99 లక్షలు సమకూర్చాడు.